މާލެއަށް ކުރަމުންދާ ވިއްސާރައިގައި މަގުތަކުގައި ފެންބޮޑުވެ ޓްރެފިކް ފްލޯއަށް ފަސޭހަ ކުރުމުގެ ގޮތުން އުޅަނދުތަކަށް ދުއްވޭނެހެން އަމީނީމަގު އެއްކޮށް ހުޅުވާލައިފިއެވެ. 

މީގެ ކުރިން އަމީނީ މަގު އިއްޒުއްދީނު މަގުން ފެށިގެން ކަނބާ އައިސަރަނި ހިނގުމާއި ހަމައަށް ޓްރެފިކަށް އޮތީ ހުޅުވާލާފައެވެ. އެހެން ނަމަވެސް މިހާރު ވަނީ ކަނބާ އައިސަރަނި ހިނގުމުން ފެށިގެން ދަރުމަވަންތަ ހޮސްޕިޓަލާ ހަމައަށް ޓްރެފިކަށް ހުޅުވާލައިފައެވެ.

އަމީނީ މަގުގެ ތާރު އެޅުމުގެ މަސައްކަތް ކުރަމުންދާ އާރްޑީސީން އަމީނީ މަގުގެ އެންމެ ފަހުގެ ދެބައިގައި ތާރުއަޅަން ފެށީ މިދިޔަ މަހު 9 ގައެވެ.

Advertisement

އެގޮތުން މިހާރު އެ މަސައްކަތުގައި ބާކީ ކުރިއަށް ދާނީ ފެން ހިންދުމުގެ ނިޒާމު ގާއިމް ކުރުމުގެ މަސައްކަތް ކަމުގައި މީގެ ކުރިން އާރޑީސީން ވަނީ ހާމަކޮށްފައެވެ. 

މާލެއަށް ކުރަމުންދާ ވިއްސާރައިގައި މަގުތަކުގައި ވަރަށް ބޮޑަށް ފެންބޮޑުވެ، ފިހާރަ ތަކާއި ގެތަކަށް ފެނުގެ އަސަރުކޮށް އެކި ވަރުގެ ގެއްލުންތައް ވަނީ ވެފައެވެ.