މިއަދު ކުރިއަށްދާ މާލޭ ސިޓީ ކައުންސިލްގެ ހުސްވެފައިވާ ގޮނޑިތަކުގެ ބައި އިލެކްޝަންގައި މިއަދުގެ މިހާތަނަށް ވޯޓުލާން ނިކުމެ ވޯޓުގައި ބައިވެރިވި މީހުންގެ އިންސައްތަ ބޮޑުތަނުން ދަށްވެފައިވާކަމުގައި އިލެކްޝަން ކޮމިޝަނުން ހާމަކޮށްފިއެވެ.
ވޮއިސްއަށް މައުލޫމާތު ދެއްވަމުން އެ ކޮމިޝަންގެ ނައިބްރައީސް އިސްމާއީލް ހަބީބް ވިދާޅުވީ، ވޯޓުލުމުގައި ބައިވެރިވި މީހުންގެ ޢަދަދު ވަރަށް މަދުކަމުގައްޔާއީ އިންސައްތައިން ދަށްވެފައިވާކަމަށެވެ.
ވަރަށް ދަށްކޮށް މިދަނީ ވޯޓުލީ މީހުންގެ އިންސައްތަ، ގާތްގަނޑަކަށް 2500 އެއްހާ މީހުން ވޯޓުލީ އަދި، ގާތްގަނޑަކަށް 4 އިންސައްތަ މީހުން އެއީ
އިސްމާއީލް ހަބީބް
އެގޮތުން ހަބީބް ވިދާޅުވީ ވޯޓުލުން ފާސްނުކޮށް ވީހާވެސް އަވަހަށް ނިކުމެ ވޯޓުލުމުގައި ބައިވެރިވުމަށް އިލެކްޝަން ކޮމިޝަނުން އެދެއެވެ.
މާލެ ސިޓީ ކައުންސިލްގެ ހުސްވެފައިވާ ގޮނޑިތަކުގެ ބައި އިލެކްޝަންގެ ވޯޓުލުން މިއަދު ކުރިއަށް ދާއިރު އިންތިހާބުގެ ވޯޓުލުން ކުރިއަށްދާ މަރުކަޒުތަކުގައި ކިޔޫގައިވެސް އެއްވެސް ވަރަކަށް މީހުންނެއް ނެތެވެ.
މިއަދު ކުރިޔަށްދާ މާލޭސިޓީ މޭޔަރ އަދި ކައުންސިލަރުންގެ ބައި-އިލެކްޝަން ގައި، 54680 މީހުންނަށް ވޯޓުލުމުގެ ހައްޤު ލިބިފައިވެއެވެ.
މިއަދު ކުރިއަށްދާ އިންތިހާބުގައި ވޯޓުލުމުގެ ފުރުސަތު ހެނދުނު 08:00 ން 05:00ށް ވަނީ ހުޅުވާލެވިފައެވެ.
Advertisement
This content is created and paid for by advertisers and does not involve Voice Journalists
