ފާއިތުވި 24 ގަޑިއިރު ތެރޭގައ އެންމެ ބޯކޮށް ވާރޭ ވެހުނީ މާލެއަށް ކަމުގައި މޫސުމާއި ބެހޭ ގައުމީ އިދާރާއިން ހާމަކޮށްފިއެވެ. 

އެ އިދާރާއިން ހާމަކުރި ތަފާސްހިސާބުތަކަށް ބަލާއިރު ފާއިތުވި 24 ގަޑިއިރު ތެރޭގައި މާލެ އަށް ޖުމްލަ މާލެ159.3 މިލިމީޓަރުގެ ވާރޭ ވެހިފައިވާއިރު ދެވަނަ އަށް އެންމެ ބޯކޮށް ވާރޭ ވެހުނު ހުޅުލެއަަށް 143.4 މިލިމީޓަރުގެ ވާރެ ވެހިފައިވެއެވެ. އަދި ހުޅުމާލެ އަށް 105.4 މިލިމީޓަރުގެ ވާރޭ ވެހިފައިވެއެވެ.

ރާއްޖޭގެ އެހެން ހިސާބުތަކަށް ބަލާ އިރު، ފާއިތުވި 24 ގަޑިއިރު ތެރޭގައި ދެން އެންމެ ބޯކޮށް ވާރޭ ވެހުނީ ކ. ކާށިދޫ (68.3 މިލިމީޓަރު)، އދ. މާމިގިނލި (62.5 މިލިމީޓަރު)، އއ. ތޮއްޑޫ (54.6 މިލިމީޓަރު) އަދި ގދ. ތިނަދޫ (53.3 މިލިމީޓަރު) އެވެ.

މޫސުމާ ބެހޭ އިދާރާ އިން ބުނީ މިއަދު ވެސް އެކި ހިސާބަށް ވިއްސާރަކުރާނެ ކަމަށާއި ބައެއް ރަށްތަކަށް ބޯކާށް ވާރޭވެހި ގުގުރައި ބައެއް ސަރަހައްދުތަކަށް އުދަވެސް އެރުން އެކަށީގެންވާ ކަމަށެވެ.

ވިއްސާރައިގައި މާލޭގެ މަގުތަކުގައި ވަރަށް ބޮޑަށް ފެންބޮޑުވެ 144 ގެޔަކަށް ފެންވަދެގެން އެހީތެރިކަމަށް އެދި ރިޕޯޓްކޮށްފައިވާ ކަމަށް އެމްއެންޑީއެފުން ބުނެއެވެ. 

މިއަދުވެސް ރާއްޖެއަށް ވިއްސާރަވެ މޫސުން ގޯސްވާނެކަމަށް ލަފާކޮށް މެޓް އޮފީހުން ވަނީ ހުދު ސަމާލު ނެރެފައިއެވެ.