ހައްދުފަހަނަ އަޅާފައިވާ އިސްރާއީލުން ޣައްޒާގެ ދެކުނުގައި އޮންނަ ޚާން ޔޫނިސްއަށް ވަރުގަދަ ހަމަލާތަކެއް ދީފިއެވެ.

މި ހަމަލާތަކުގައި އެ ސިޓީގައި ހުންނަ އެ ސިޓީގެ ފީލްޑް ހޮސްޕިޓަލެއް ކަމަށްވާ އަލް ނާސިރު ހޮސްޕިޓަލަށް ވަނީ ވަރަށް ބޮޑެތި ގެއްލުންތަކެއް ލިބިފައެވެ.

ފަލަސްތީނުގެ ސިއްހީ އޮފިޝަލުން ބުނީ އިސްރާއީލުން ވައިގެ މަގުން ހަމަލާދީ ހޮސްޕިޓަލުގެ އިތުރުންވެސް އެ ހޮސްޕިޓަލް ކައިރީގައި ހުރި ގެތަކަށް ގެއްލުންދީފައިވާއިރު، ހަމަލާތަކުގައި 7 މީހަކު ޝަހީދުވެފައިވާ ކަަމަށެވެ.

Advertisement

އަލްޖަޒީރާއިން ރިޕޯޓް ކުރާ ގޮތުގައި އަނިޔާވެރި އިސްރާއީލުގެ ސިފައިން ހަމަލާދީފައިވާ  ޣައްޒާގެ އެހެން ހޮސްޕިޓަލު ތަކާއި ސިއްހީ ޚިދުމަތް ދޭ ތަންތަނެކޭ އެއްފަދައިން ލިބުނު ގެއްލުންތަކުގެ ސަބަބުން އަލް ނާސިރު ހޮސްޕިޓަލް ވެސް ހިންގުން ހުއްޓާލަން ޖެހިދާނެ ކަމުގެ ބިރު ވަރަށް ބޮޑެވެ.

މިދިޔަ އަހަރުގެ އޮކްޓޯބަރު މަހުގެ ހަތް ވަނަ ދުވަހުން ފެށިގެން އިސްރާއީލުން ޣައްޒާއަށް ދެމުން އަންނަ ލާއިންސާނީ ހަމަލާތަކުގައި 24،448 މީހުން ޝަހީދުވެފައިވާ ކަމަށް ކަމާބެހޭ ފަރާތްތަކުން ރިޕޯޓް ކުރެއެވެ. އަދި މިހަމަލާތަކުގައި މިހާތަނަށް 61,830 މީހަކު ޒަހަމްވެފައިވާއިރު އޭގެ ތެރޭގައި އެންމެ ގިނައީ ކުޑަކުދިންނާއި އަންހެނުންނެވެ. 

ދުނިޔޭގެ އެކި ކަންކޮޅު ތަކުން އަސްރާއީލުން ކުރިއަށްގެންދާ މި ލާއިންސާނީ އަމަލުތައް ވަގުތުުން ވަގުތަށް ހުއްޓާލުމަށް ދަނީ ގޮވާލަމުންނެވެ.