ކުރިއަށް އޮތް ރައްޔިތުންގެ މަޖިލީހުގެ އިންތިޚާބުގައި އެމްޑީޕީ ޓިކެޓްގައި ވާދަކުރާ މެންބަރުން ކަނޑައެޅުމަށް ބާއްވާ ޕްރައިމަރީގައި ވޯޓުލެވޭ މީހުންގެ ލިސްޓް އާއްމު ކުރުމާއެކު ހުށަހެޅުނު ޝަކުވާތަކަށް ބަލައި، އަލުން ލިސްޓް އެކުލަވާލައި އަނެއްކާވެސް ޝަކުވާ ހުށައެޅުމުގެ ފުރުޞަތު ހުޅުވައިލައިފިއެވެ.
އެމްޑީޕީން ބުނީ އަލުން ޝަކުވާ ހުށަހެޅުމުގެ 25 ޖަނަވަރީ 2024 ވަނަ ދުވަހުގެ 16:00 އާއި ހަމައަށް ހުޅުވާލެވިފައިވާ ކަމަށެވެ.
މާރިޗު 17 ވަނަ ދުވަހު ބޭއްވުމަށް ހަމަޖެހިފައިވާ މަޖިލިސް އިންތިޚާބުގައި އެމްޑީޕީން ވަނީ ހުރިހާ ދާއިރާއަކަށް ވާދަކުރުމަށް ނިންމާފައެވެ.
އެގޮތުން، އެ ދާއިރާ ތަކަށް ވާދަކުރާ ކެންޑިޑޭޓުން ކަނޑައެޅުމަށް ބާއްވާ ޕްރައިމަރީ އަންނަ މަހު 3 ވަނަ ދުވަހު ބޭއްވުމަށް ނިންމައި، ޕްރައިމަރީގައި ވާދަކުރަން މިދިޔަ މަހުގެ 16ގައި ހުޅުވާލާފައިވާއިރު މުއްދަތު ހަމަވިއިރު 36 ދާއިރާއަކަށް އެންމެ ކެންޑިޑޭޓަކު ވާދަކުރުމަށް ހުށަހެޅުމުން އެ ފަރާތްތަކަށް ވަނީ ޕާޓީގެ ޓިކެޓް ކަށަވަރުވެފައެވެ.
އެހެންކަމުން، ޕްރައިމަރީގައި ބޭއްވުމަށް ނިންމާފައިވަނީ 43 ދާއިރާއެއްގެ އެވެ.
Advertisement
This content is created and paid for by advertisers and does not involve Voice Journalists
