މާލޭގައި ހަށިވިއްކަމުން ގެންދިޔަ ވިއެޓްނާމް އަންހެނަކު ޖިންސީ އަމަލުކުރަން ބޭނުންކުރާ އާލަތްތަކާއި އެކު ހައްޔަރުކޮށްފިއެވެ.

އުމުރުން 34 އަހަރުގެ އެ އަންހެން މީހާ ހައްޔަރު ކުރިއިރު، އޭނާ ހުރި ކޮޓަރިން ޖިންސީ އަމަލު ހިންގުމަށް ބޭނުންކުރާ އާލާތްތަކުގެ އިތުރުން ގިނަ އަދަދެއްގެ ފައިސާވެސް ފެނިފައިވާ ކަމަށް ދިވެހި ފުލުހުން މަޢުލޫމާތު ދެއްވައެވެ.

މި މައްސަލަ އާއި ގުޅިގެން ފުލުހުން ބުނީ އޭނާ ހުރި ކޮޓަރި ބަލައި ފާސްކުރިއިރު ފެނިފައިވާ ޖިންސީ އަމަލުކުރަން ބޭނުންކުރާ އާލަތްތަކުގެ ތެރޭގައި ބޭނުންކޮށްފައިވާ ތަކެއްޗާއި އަދި ބޭނުންނުކުރާ ތަކެތި ވެސް ހިމޭކަމަށެވެ.

Advertisement

މި މައްސަލައިގައި ހިމެނޭ މީހާ ބަންދުގެ މުއްދަތު ޖެހުމަށް އިއްޔެ ވަނީ ކްރިމިނަލް ކޯޓަށް ގެންގޮސްފައެވެ. އަދި ކޯޓުން ވަނި އޭނަގެ ބަންދަށް ފަސް ދުވަސް އިތުކޮށްދީފައެވެ.

އޭނާ ވަނީ ހަށިވިއްކާ ކަމަށް އިއުތިރާފް ވެފައެވެ. އަދި އޭނާގެ އަތުން ފެނިފައިވާ ފައިސާއަކީ ހަށިވިއްކައިގެން ހޯދި ފައިސާ ކަމަށް ވެސް އެއްބަސްވެފައެވެ.

އޭނާގެ ބަންދު އަމުރުގައި ބުނެފައި ވަނީ، ބަންދަށް ކުރު މުއްދަތެއް ދިނީ ހައްޔަރުކުރި ފަހުން 24 ގަޑިއިރު ވާން ކައިރިވިއިރު ވެސް އޭނާއަށް ތަރުޖަމާނެއް ލިބިފައިނުވާކަމަށް ބުނެފައިވާތީ އޭނާގެ ބަންދުގެ މުއްދަތު މަޖިލިސް ތަރުޖަމާނަކާއި ނުލައި ކުރިއަށް ގެންދަން ޖެހުމުގެ ސަބަބުން ކަމަށެވެ.