މިއަހަރުގެ މާޗް މަހުގެ 17 ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލިހުގެ އިންތިހާބަށް ޕީޕީއެމް/ޕީއެންސީގެ ފަރާތުން ވާދަކުރާނެ ކެންޑިޑޭޓުން ހޮވުމަށް ބޭއްވި ޕްރައިމަރީގައި ރައީސް މައުމޫންގެ ދަރިކަނބަލުން އަދި ކުރީގެ ފޮރިން މިނިސްޓަރު ދުންޔާ މައުމޫނަށް ބޮޑު ނާކާމިޔާބީއަކާ ކުރިމަތިލައްވަން ޖެހިވަޑައިގެންފިއެވެ.
މަޖިލިހުގެ އިންތިހާބަށް ސަރުކާރު ހިންގާ ޕީޕީއެމް/ޕީއެންސީގެ ފަރާތުން ވާދަކުރައްވާނެ ކެންޑިޑޭޓުން ހޮވުމަށް ބޭއްވި ޕްރައިމަރީގައި ދުންޔާ ވާދަކުރެއްވީ ހުޅުމާލެ ދެކުނު ދާއިރާއަށެވެ.
ކެންޕެއިންގައި 2023 ގެ ރިޔާސީ އިންތިހާބުގައި ވާދަކުރެއްވި ދުންޔާގެ ބޭބެ ފާރިޝް މައުމޫންވެސް އަމަލީ ގޮތުން ބައިވެރިވެފައިވެއެވެ. ޕްރައިމަރީގެ ނަތީޖާ ދައްކާ ގޮތުން އޭނާ ދިޔައީ ތިން ވަނައަށެވެ.
ހުޅުމާލެ ދެކުނު ދާއިރާގެ ޕީޕީއެމް/ޕީއެންސީގެ ޓިކެޓް ކަށަވަރު ކުރެއްވީ ޝަނީޒް ހާޝިމް (ޝާންކޮ) އެވެ. އޭނާ އަށް 240 ވޯޓު ލިބުނެވެ. ދެ ވަނަ އަށް އެންމެ ގިނަ ވޯޓު ލިބުނީ ރަހުމަތުﷲ އަޝްރަފަށެވެ. އޭނާ އަށް 102 ވޯޓު ލިބުނެވެ. ތިން ވަނަ އަށް ދިޔަ ދުންޔާ އަށް ލިބިވަޑައިގަތީ އެންމެ 70 ވޯޓެވެ.
މިއީ ދުންޔާ އިންތިހާބެއްގައި ވާދަކުރެއްވި ފުރަތަމަ ފަހަރެވެ.
Advertisement
This content is created and paid for by advertisers and does not involve Voice Journalists
