ފުލުހުންގެ ޚިދުމަތާއި ގުޅޭގޮތުން އާންމުންގެ ޚިޔާލު ހޯދުމަށް "ޕަބްލިކް ޕާސެޕްޝަން ސާރވޭ" ގެ ނަމުގައި ފުލުހުން ސާރވޭ އެއް ފަށައިފިއެވެ.

ފުލުހުންގެ ހިދުމަތުން ނެރުނު ނޫސް ބަޔާނެއްގައި ބުނީ މި ދިރާސާ އަކީ ދިވެހި ފުލުހުންގެ ޚިދުމަތުގެ ފެންވަރު އިތުރަށް ރަނގަޅުކޮށް، މުޖުތަމައުގެ ސަލާމަތާއި ރައްކާތެރިކަން ކަށަވަރުކުރުމަށް ކުރަންޖެހޭ ކަންކަމަކީ ކޮބައިތޯ ދެނެގަތުމަށްޓަކައި ފެށި ދިރާސާއެއް ކަމަށެވެ.

އޮންލައިންކޮށް ކުރިއަށް ގެންދާ މި ސާރވޭގެ މަގްސަދަކީ ދިވެހި ފުލުހުންގެ ޚިދުމަތުގެ ފެންވަރު އިތުރަށް ރަނގަޅުކޮށް، މުޖުތަމައުގެ ސަލާމަތާއި ރައްކާތެރިކަން ކަށަވަރުކުރުމަށް ކުރަންޖެހޭ ކަންކަމަކީ ކޮބައިތޯ ދެނެގަނެ، ކުރިއަށް އޮތް ފަސް އަހަރަށް އަމާޒުކޮށްގެން ތައްޔާރުކުރެވޭ ދިވެހި ފުލުހުންގެ ޚިދުމަތުގެ ސްޓްރެޓެޖިކް ޕްލޭން ތައްޔާރުކުރުމަށް ބޭނުންވާ މައުލޫމާތު ހޯދުން ކަމަށް ވެސް އެއިދާރާއިން މައުލޫމާތު ދެއެވެ.

Advertisement

މައިގަނޑު ހަ ބަޔަކަށް ބަހާލައިގެން ޖުމްލަ 37 ސުވާލު ހިމެނޭ ގޮތަށް، ފުލުހުންގެ ސްޓްރެޓެޖީ ޕްލޭނިންގ އެންޑް ޑިވެލޮޕްމަންޓުން ކުރިއަށް ގެންދާ މި ސާރވޭ ފަރުމާ ކުރެވިފައިވަނީ ސާރވޭގެ ސުވާލުތައް ވަޒަންކުރެވޭ ގޮތަށް ޕޮއިންޓްދޭ އުސޫލުންނެވެ.

މި ސާރވޭގައި ބައިވެރިވެ ވަޑައިގަންނަވާ ފަރާތްތަކުގެ ހުށަހެޅުންތައް ބޭނުންކުރުމަށް ހަމަޖެހިފައިވަނީ ފުލުހުންގެ ޚިދުމަތުގެ ފެންވަރު އިތުރަށް ހަރުދަނާކޮށް މަސައްކަތްތައް ބައްޓަންކުރުމަށް ކަމަށް ފުލުހުން މައުލޫމާތު ދެއެވެ.