ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ސަރުކާރުގެ ކެބިނެޓްގައި ހިމެނިވަޑައިގަންނަވާ ބައެއް ވަޒީރުންނަށް ރުހުން ނުދިނުމާއި ގުޅިގެން މަޖިލިސް އެތެެރެ ހޫނުވެ، ގަޔަށް ބޮލަށް އަރައި މާރާމާރީ ހިންގަން ފަށައިފިއެވެ.

އިދިކޮޅުން ވަޒީރުންނަށް ރުހުން ނުދިނުމަށް ނިންމުމާއި ގުޅިގެން ސަރުކާރު ހިންގާ ޕީޕީއެމް/ޕީއެންސީގެ މެމްބަރުން ވަނީ މަޖިލިސް ތެރޭގައި އަޑުގަދަކޮށް، މަޖިލީހަށް ވަދެވެން ހުރި ދޮރުތައް އެތެރެއިން ބަންދު ވެސް ކޮށްފައެވެ. 

ދައުރު ވަމުންދާ ވީޑިއޯ އަކުން މަޖިލީހުގެ ތަޅުން ހޫނުވެ ކަނޑިތީމު ދާއިރާގެ މެމްބަރު އަބްދުالله ޝަހީމް އަބްދުލްހަކީމް، ކެނދިކުޅުދޫ ދާއިރާގެ މެމްބަރު އަހްމަދު އީސާގެ ފައިގައި ހިފައި ވައްޓާލާ މަންޒަރު ފެނިގެން ދެއެވެ. އެއާއިއެކު ޝަހީމް ވެސް ވެއްޓި، އީސާގެ ބޫޓުން ޝަހީމްގެ ކަންފަތުގައި ޖަހާތަން ފެންނައިރު، ޅޝަހީމް ކަންފަތްމަތީ ގައި އަތް އަޅައިގެން އިރުކޮޅަކު އިންނަވާތަން ވެސް ވީޑިއޯ އިން ފެނެއެވެ.

Advertisement

އޭގެ ފަހުންވެސް މެންބަރު އީސަ ވަނީ ޝަހީމް ގެ އިސްތަށިގަނޑުގައި ހިއްޕަވައި ބާރަށް ދަމައި އަނިޔާ ކުރައްވާފައެވެ. އީސަ އެތަނުން ދުރުކުރީ މަޖިލިސް އެހެން މެންބަރުން ގަދަކަމުންނެވެ. 

ޝަހީމް އަށް ލިބުނު އަނިޔާ ތަކަށް ފަރުވާ ކުރުމަށް އެމްބިއުލާންސް އަށް އަރުވައިގެން ހޮސްޕިޓަލަށް ގެންގޮސްފައި ވާއިރު, އޭނާގެ ބޯލަށް އަނިޔާ ވެފައިވާ ކަމަށް މައުލޫމާތު ލިބެއެވެ. 

މެންބަރު ޝަހީމް އެމްބިއުލާންސް އަށް އަރުވަނީ-- ފޮޓޯ/ދެން

ބައެއް ވަޒީރުންނަށް ރުހުން ނުދިނުމާއި ގުޅިގެން މަޖިލީހުގެ ބޭރުގައި އާންމުންވެސް ދަނީ އިހުތިޖާޖް ކުރަމުންނެވެ.

މިއަދު ކުރިއަށްދާ 19 ވަނަ ރައްޔިތުންގެ މަޖިލީހުގެ ދައުރުން ބޭރުގައި ބާއްވާ ހާއްސަ ޖަލްސާގައި މި ސަރުކާރުގެ ވަޒީރުންނަށް ރުހުން ދިނުން އެޖެންޑާ ކޮށްފައިވާއިރު މިކަމާއި ގުޅިގެން ބަހުސް ކުރި އިރު މަޖިލިސް ތެރޭގައި އެވަގުތުވެސް މެމްބަރުން ވަނީ އަޑު ގަދަކޮށްފައެވެ. 

ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީއިން ވަނީ ވަޒީރުންނަށް ރުހުން ދޭން ފެންނަކަމަށް ނިންމި ނަމަވެސް އިދިކޮޅު އެމްޑީޕީން އާއި ދަ ޑިމޮކްރެޓްސް އިން ވަނީ ބައެއް ވަޒީރުންނަށް ރުހުން ނުދިނުމަށް ނިންމާފައެވެ.

މި ގޮތުން ދަ ޑިމޮކްރެޓްސް ނެރުނު ބަޔާނެއްގައި ބުނެފައިވަނީ އެ ޕާޓީން އިންތިހާއަށް ކަންބޮޑުވާ ސިޔާސަތުތަކެއް ރައީސް ޑރ.މުޙައްމަދު މުޢިއްޒުގެ ސަރުކާރުން ގެންގުޅުއްވާކަމަށް ފާހަގަކުރެވޭއިރު، މި ސަރުކާރުގެ ކެބިނެޓްގެ ބައެއް ވަޒީރުންނަށް ރުހުން ނުދިނުމަށް ދަ ޑިމޮކްރެޓްސްގެ ޕާލަމެންޓްރީ ގްރޫޕުގެ ބައްދަލުވުމުގެ މަޝްވަރާއަށް ފަހު އިއްތިފާގުން ވަނީ ނިންމާފައިކަމަށެވެ.

ރުހުން ނުދިނުމަށް އިދިކޮޅުން ނިންމާފައިވަނީ އެޓާނީ ޖެނެރަލް އަޝާމްއާއި ފޮރިން މިނިސްޓަރ މޫސާ ޒަމީރުއާއި އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދުގެ އިތުރުން ހައުސިން މިނިސްޓަރ ޑރ.ހައިދަރުއެވެ.