މި އަހަރުގެ ޖުލައި މަސް ނިމުމުގެ ކުރިން ފަހި ދިރިއުޅުން ކޯޕަރޭޝަން (އެފްޑީސީ) އިން 11 ޓަވަރު ނިންމައި ސަރުކާރާއި ހަވާލު ކުރެވޭނެ ކަމަށް ބުނެފިއެވެ.

އެ ކޯޕަރޭޝަންގެ މެނޭޖިން ޑިރެކްޓަރު ހަމްދާން ޝަކީލު ވިދާޅުވީ ފަހި ދިރިއުޅުން ކޯޕަރޭޝަންގެ ފަރާތުން ހުޅުމާލެ ފޭސް 2 ގައި އަޅާ ޓަވަރުތަކުގެ ތެރެއިން 11 ޓަވަރެއްގެ މަސައްކަތް ނިންމާ ޖުލައި މަސް ނިމުމުގެ ކުރިން ސަރުކާރާއި ހަވާލުކުރާނެކަމަށެވެ.

މިގޮތުން އެފްޑީސީއާ ހަވާލުކޮށްގެން ހަދަމުންދާ ޓަވަރުތަކުގެ ތެރެއިން 10 ޓަވަރުގެ އޮނިގަނޑުގެ މަސައްކަތް ވަނީ ނިންމާލާފައިވާ ކަމަށް ހަމްދާން ވިދާޅުވިއެވެ. ގާތްގަނޑަކަށް 12،000 އެޕާރޓްމެންޓް ގެ މައްޗަށް އެކުލެވިގެންވާ މި 10 ޓަވަރުގެ މަސައްކަތްތަކުގެ ތެރެއިން މިހާރު ކުރިއަށް ދަނީ ފިނިޝިިންގް މަސައްކަތްތައްކަމަށާއި ދެންހުރި ޓަވަރުތަކުގެ ސުޕާ ސްޓްރަކްޗާތަކުގެ މަސައްކަތް ކުރިއަށްދާކަމަށް ހަމްދާން ވިދާޅުވިއެވެ.

Advertisement

މިމަސް ނިމުމުގެ ކުރިން 4 ޓަވަރު ނިންމާލެވޭނެ ކަމަށް އެޗްޑީސީއިން ވަނީ ބުނެފައެވެ. މި ޓަވަރުތައް ނިންމާލެވުމާއި އެކު 512 ޓަވަރު ނިންމާޅެވުނީ ކަމަށް އެފްޑީސީ އިން މައުލޫމާތު ދެއެވެ.

ނިމިދިޔަ ރައީސް އިބްރާހީމް މުހައްމަދު ސޯލިހްގެ ސަރުކާރުގައި  32 ޓަވަރު އެޅުމަށް އެފްޑީސީ އާއި ވަނީ ހަވާލުކޮށްފައެވެ. އެފްޑީސީ އިން މި މަޝްރޫއު ކުރިއަށް ގެންދަނީ އިންޑިއާގެ ދެ ކުންފުނި ކަމަށްވާ އެންބީސީސީ އަދި ޖޭއެމްސީއާ ހަވާލުކޮށްގެންނެވެ.

މި ޓަވަރުތައް އަޅަމުންދަނީ ސަރުކާރުގެ ސޮވްރެއިން ގެރެނޓީއެއްގެ މައްޗަށް އިންޑިއާގެ އެގްޒިމް ބޭންކުން ނެގި 3.5 ބިލިއަން ރުފިޔާ ލޯނެއްގައެވެ.  ޓަވަރުތަކުގެ މަސައްކަތް ވީހާވެސް އަވަހަކަށް ނިންމާ ރައްޔިތުންނަށް އެ ޓަވަރުތަކަށް ވަދެވޭނެގޮތް ހެދުމަށް މިދިޔަ މަހު އެފްޑީސީން ވަނީ 250 ލޭބަރުން ވެސް ހޯދާފައެވެ.