މިއަދު 'ވޮއިސް' ގެ ބަދިގެއިން މި ގެނެސްދެނީ ހަނީ ޗިކަން ތައްޔާރު ކޮށްލާނެ ގޮތެވެ. ހަނީ ޗިކަން އަކީ ގިނަ ބައެއްގެ މެދުގައި މަގުބޫލު، އެހާމެ މީރު ކެއުމެކެވެ. ތައްޔާރު ކޮށްލަންވެސް މާ ބޮޑު މަސައްކަތެއް ކުރާކަށް ނުޖެހެއެވެ. 

1 ޗިކަން ބްރެސްޓް (2 ފަޅިއަށް ފަޅާފަ)

1/2 ސައި ސަމްސާ ލޮނު

1/2 ސައި އަސޭމިރުސް (މުގުރި)

1 ސައި ސަމުސާ ހިކި މިރުސް (މުގުރި)

1/2 ސައި ސަމުސާ ލުނބޯ ހުތް

3 މޭޒު މަތީ ސަމްސާ ބަޓަރ

2 ސައި ސަމްސާ ލޮނުމެދު (ހިމުންކޮށް ކޮށާފަ)

2 މޭޒު މަތީ ސަމްސާ މާމުއި

ކުޑަ ފުއް ކޮޅެއް

1) ކުކުޅު ކޮޅުގައި ލޮނު، އަސޭމިރުސް، ލުނބޯހުތް އަދި މުގުރި މިރުސް ހޭކުމަށްފަހު ފުއްކޮޅުގައި ދެފުއް ރަނގަޅަށް ހާކާލާށެވެ. 

2) ދެން ތަވަޔަށް ބަޓަރ އެޅުމަށްފަހު 1 ސައި ސަމުސަލުގެ ލޮނުމެދު އަޅައި ކުޑަކޮށް ފްރައި ކޮށްލާށެވެ. 

3) އެއަށްފަހު ކުކުޅު މަސްގަނޑު އެއަށް ލައި ރަން މުށި ކުލަ އަރަންދެން ރޯފިލުވައި ކައްކާލާށެވެ.

4) ކުކުޅު ރޯފިލުމުން ބާކީ ހުރި 1 ސައިސަމުސާ ލޮނުމެދު އަދި މާމުއި އެޅުމަށްފަހު 10 ވަރަކަށް މިނެޓް ވަންދެން ކައްކާ ކުކުޅުކޮޅު ރަނގަޅަށް ކެރަމަލް ކޮށްލާށެވެ.