ނިމިދިޔަ ސަރުކާރުން ހިންގި ކަރަޕްޝަންގެ ގިނަ ކަންތައްތަކެއް އާއްމުރައްޔިތުންނާއި ހިސާބަށް ގެނެސްދީ ދިވެހިންގެ ގިނަބައެއްގެ މަޤްބޫލުކަން ހޯދާފައިފައިވާ ނޫސްވެރިޔާ އަހްމަދު އަޒާން (ދިޔަރެސް އަޒާން) ކުރިއަށް އޮތް 20 ވަނަ ރައްޔިތުން މަޖިލީހުގެ އިންތިހާބުގައި އައްޑޫ ސިޓީ ހިތަދޫ މެދު ދާއިރާއަށް ވާދަކުރައްވުމަށް ކެންޑިޑެސީ ފޯމު އިލެކްޝަންސް ކޮމިޝަން (އީސީ)އަށް ހުށަހަޅައިފިއެވެ.

ކުރިއަށް އޮތް 20 ވަނަ ރައްޔިތުންގެ މަޖިލިހުގެ އިންތިހާބުގައި އަޒާން ވާދަކުރައްވަނީ ސަރުކާރު ހިންގާ ޕީޕީއެމް ޕީއެންސީގެ ފަރާތުންނެވެ.

މިއަދު އަޒާންގެ ކެންޑިޑެންސީ ފޯމް އީސީ އާއި ހަވާލުކުރެއްވުމުގެ ރަސްމިއްޔާތުގައި އަޒާންއަށް ތާއިދުކުރާ ވަރުގަދަ ޓީމެއް އޭނާ އާއިއެކު ބައިވެރިވެފައިވެއެވެ.

Advertisement

އައްޑޫ ސިޓީ ހިތަދޫ މެދު ދާއިރާއަށް ވާދަކުރުމަށް އީސީއަށް އެންމެ ފުރަތަމަ ފޯމް ހުށަހެޅި މީހަކަށް އަޒާން ވެފައިވާއިރު ދެން މިދާޢިރާއަށް ވާދަކުރާނެކަމަށް މިހާތަނަށް އިއުލާނުކޮށްފައި ވަނީ އެމްޑީޕީގެ ފަރާތުން އައްޑޫ ސިޓީގެ މިހާރުގެ ޑެޕިއުޓީ މޭޔަރު ޝުއާއު އަދި ޑިމޮކްރެޓްސްގެ ފަރާތުން މިހާރުވެސް ރައްޔިތުން މަޖިލީހުގެ އެދާއިރާ ތަމްސީލް ކުރައްވަމުން ގެންދަވާ އެދާޢިރާގެ މެންބަރު އަހްމަދު ރަޝީދުއެވެ.

މައުލޫމާތު ލިބިފައިވާ ގޮތުގައި އަޒާނަކީ ރައްޔިތުންގެ މަޖިލީހުގެ އިންތިހާބުގައި އައްޑޫއިން ކުރިމަތިލާ އެންމެ ޒުވާން ކެންޑިޑޭޓެވެ.