ކުރިއަށް އޮތް 20 ވަނަ ރައްޔިތުންގެ މަޖިލީހުގައި ޢަދާލަތު ޕާޓީގެ ފަރާތުން ވާދަކުރައްވާ 4 ކެންޑިޑޭޓުން އީސީ އަށް ފޯމު ލައްވައިފި އެވެ. 

ޢަދާލަތު ޕާޓީން 20 ވަނަ ރައްޔިތުންގެ މަޖިލީހުގެ އިންތިޚާބުގައި ވާދަކުރަނީ ހަތަރު ދާއިރާ އަކަށެވެ. އެ ހަތަރު ދާއިރާއަށް ވާދަ ކުރައްވާ ކެންޑިޑޭޓުންނަކީ؛ 

1) ވައިކަރަދޫ ދާއިރާއަށް:  ޙުސައިން ޘަޤީފް، ހިސާން، ހދ. ވައިކަރަދޫ

Advertisement

2) މަކުނުދޫ ދާއިރާއަށް: ކުރީގެ ހޯމް މިނިސްޓަރު އިމްރާން ޢަބްދުالله، މަލްހާރު، މ.ކޮޅުފުށި 

3) ފުނަދޫ ދާއިރާ: ހައްޖު ކޯޕަރޭޝަންގެ ކުރީގެ އެމްޑީ އިސްމާޢީލް ޙަމީދު، އިތާ ރ-18/04, ހުޅުމާލެ 

4) އިނގުރައިދޫ ދާއިރާ: އިސްމާޢީލް ޢަލީ، ދެކުނުގެ، ރ.އިނގުރައިދޫ

މިހާރު ހިނގަމުންދާ 19 ވަނަ މަޖިލީހުގެ އިންތިޚާބުގައިވެސް އަދާލަތުން ނުވަ ދާއިރާއަކަށް ވާދަކުރިއެވެ.

އެ ދާއިރާތަކަކީ މަކުނުދޫ ދާއިރާއާއި ވައިކަރަދޫ ދާއިރާއާއި ކެލާ ދާއިރާއާއި ގައްދޫ ދާއިރާއާއި އިނގުރައިދޫ ދާއިރާއާއި މަހިބަދޫ ދާއިރާއާއި ކާށިދޫ ދާއިރާއާއި ނިލަންދޫ ދާއިރާ އަދި މުލަކު ދާއިރާއެވެ.

ނަމަވެސް އެތަނުން އެއްވެސް ދާއިރާއެއްގެ ގޮނޑި އެ ޕާޓީއަށް ލިބިފައެއް ނުވެއެވެ. އޭގެ ކުރިން އޮތް 18 ވަނަ މަޖިލީހުގައި އަދާލަަތަށް 1 ގޮނޑި ލިބިފައިވާއިރު، އެއީ އަނާރާ ނަޢީމް ވާދަކުރެއްވި މަކުނުދޫ ދާއިރާގެ ގޮނޑިކަން ފާހަގަކޮށްލަންޖެހެއެވެ.

މިއަހަރު ބާއްވާ މަޖިލިސް އިންތިޚާބު ބާއްވަން ކުރިން ހަަމަޖެހުނީ މާރިޗު މަހުގެ 17 ވަނަ ދުވަހު އެވެ. އެހެން ނަމަވެސް އެ ދުވަސް ރޯދަމަހާއި ދިމާވާތީ އިންތިޚާބު ވަނީ ރޯދަމަށް ނިމި، ދިހަ ދުވަސް ފަހުން ބާއްވާ ގޮތަށް ފަސް ކޮށްފައެވެ.