ގިނަ ބައެއްގެ ތާއީދާއިއެކު ޕީޕީއެމް/ޕީއެންސީ ކޯލިޝަން ގެ ފަރާތުން ކުރިއަށް އޮތް ރައްޔިތުންގެ މަޖިލީހުގައި ވިލިމާލެ ދާއިރާ ތަމްސީލު ކުރުމަށް މުހައްމަދު އިސްމާއީލް ގެ ކެންޑިޑެސީ ފޯމު އިލެކްޝަން ކޮމިޝަން (އީސީ) އާއި ހަވާލުކޮށްފިއެވެ.
އިލެކްޝަން ކޮމިޝަނުގެ ފަރާތުން މި ފޯމާއި ހަވާލުވެވަޑައިގަތީ އެ ކޮމިޝަނުގެ ރައީސް ފުވާދު ތައުފީގެ އެވެ.
ފޯމު ހުށައެޅުމަށްފަހު ނޫސްވެރިންނަށް ދެއްވި ބަސްދީގަތުމެއްގައި މުހައްމަދު އިސްމާއީލް ވިދާޅުވީ، ވިލިމާލޭގެ ރައްޔިތުން ތިބީ މިހާރު އެއޮތް މަރުހަލާއިން އެހެން މަރުހަލާ އަކަށް ގެންދިޔުމަށް ބޭނުންވެފައި ކަމަށާއި،ރައްޔިތުންގެ ކަންބޮޑުވުންތައް ހުރުމުން އެ ދާއިރާ އަށް ކުރިމަތި ލުމަށް ރައްޔިތުން އެދުނު ކަމަށެވެ.
މުހައްމަދު އިސްމާއީލް ވިދާޅުވީ ވިލިމާލޭގެ އެކި އުމުރުފުރާ ތަކާއި ގުޅޭ ތިމާވެއްޓާއި ރައްޓެހި މާހައުލެއް ދަމަހައްޓައިދީ، ރައީސް ޑރ.މުއިއްޒުގެ ތަރައްގީއަށް ވިލިމާލޭ ރައްޔިތުންގެ އަޑު ސަރުކާރަށް އިއްވަދޭނެ ކަމަށެވެ.
" އިރާދަކުރެއްވިއްޔާ، ކުރިއަށް އޮތް މުސްތަގުބަލުގައި ކުރިއަށް މިހިނގާ ރައްޔިތުންގެ މަޖިލީހުގައި ، އަޅުގަނޑަށް ރައްޔިތުންގެ މަސައްކަތުން، اللهގެ ރަޙްމަތްފުޅުން ކާމިޔާބު ލިބިއްޖެ ކަމަށްވާނަމަ، އަޅުގަނޑު ވިލިމާލޭގެ ރައްޔިތުން ބޭނުންވާ ތަފާތު ހެޔޮ ބަދަލެއް އަޅުގަނޑު ގެނެސްދޭނަން."
މުހައްމަދު އިސްމާއީލް ވިދާޅުވިއެވެ.
ޕީޕީއެމް/ޕީއެންސީގެ ޕްރައިމަރީގައި 69 ޕަސެންޓް ލިބިވަޑައިގަތް، މުހައްމަދު އިސްމާއީލަކީ ވިލިމާލެ ދާއިރާގެ ޕީޕީއެމް/ޕީއެންސީގެ ރައީސް ގެ މަގާމުގައި ހުންނެވި ބޭފުޅާ ކަން ވެސް ފާހަގަކޮށްލަން ޖެހެއެވެ.
Advertisement
This content is created and paid for by advertisers and does not involve Voice Journalists
