ކުރިއަށް އޮތް 20 ރައްޔިތުންގެ މަޖިލިސް އިންތިހާބުގައި ސަރުކާރުހިންގާ ޕާޓީ، ޕީއެންސީގެ ފަރާތުން ވިލިމާލެ ދާއިރާއަށް ވާދަކުރައްވާ މުހައްމަދު އިސްމާއިލް އެދާއިރާއަށް އިންތިހާބު ކޮށްދެއްވައިފި ނަމަ، ވިލިމާލެއަކީ މާލޭގެ ސިޓީއެއް ކަމުގެ އިޙްސާސް ކުރެވޭ ވަރުގެ ބޮޑުކުރިއެރުމަކާއި ތަރައްޤީއެއް އެދާޢިރާއަށް ގެނެސް ދެއްވާނެކަމަށް އެބޭފުޅާ  ވިދާޅުވެއްޖެއެވެ.

މީގެ ކުރިންވެސް ރައްޔިތުންގެ މަޖިލިސް މެމްބަރުކަން ކުރައްވާފައިވާ އަލްފާޟިލް މުހައްމަދު އިސްމާޢިމް މިފަދައިން ވިދާޅުވެފައިވަނީ އެބޭފުޅާގެ ކެންޑިޑެންސީ ފޯމް ހަވާލުކުރެއްވުމަށްފަހު ރާއްޖޭގެ މީޑިއާތަކަށް ދެއްވި ހާއްޞަބަސްދީ ގަތުމެއްގައި ވާހަކަ ދައްކަވަމުންނެވެ.

މުހައްމަދު އިސްމާއިލް ފާހަގަ ކުރެއްވި ގޮތުގައި މިވަގުތު ވިލިމާލެއަށް އަރާފައިބާ ގިނަ މީހުންނަށް ވިލިލިމާލެއަކީ ރާއްޖޭގެ ވެރިކަން ކުރާރަށް މާލޭގެ ބައެއް ކަމުގެ އިޙްސާސްކުރެވެމުން ނުދާކަމަށާއި، އެވަރުގެ ތަރައްޤީ އާއި ކުރިއެރުން އެދާޢިރާއިން ފެންނަށް ނެތްކަމަށެވެ.

ވޭތުވެދިޔަ 18 ވަނަ ރައްޔިތުން މަޖިލިހުގައި ހޯރަފުށި ދާއިރާ ތަމްސީލްކުރެއްވި މުހައްމަދު އިސްމާއލް ފާހަގަ ކުރެވިފައިވަނީ އެބޭފުޅާ ކުރައްވާ ކޮންމެކަމެއްވެސް ވަރަށް ފަރުވާތެރިކަމާއި، ވަރަށް އިތުބާރާއި ޔަޤީންކަމާއި އެކު ކުރައްވާ ވަރަށް ޖެހިލުންކުޑަ ބޭފުޅެއްގެ ގޮތުގައެވެ.

އެގޮތުން ނިމިދިޔަ އިބްރާޙިމް މުހައްމަދު ޞާލިޙްގެ ސަރުކާރުން ހިންގަމުން ގެންދިޔަ ގިނަ ޖަރީމާތަކެއް ރައްޔިތުންނާއި ހިސާބަށް ތިލަކޮށްދިނުމުގައި މަގުމަތިހަރަކާތްތައް ވިލަރެސްކޮށް ހިންގުމުގައި އެންމެ އިސްކޮށް ހަރަކާތްރި ވެލައްވާފައި ވަނީ މުޙައްމަދު އިސްމާއިލެވެ.

މިހަރަކާތްތައް ކުރިއަށް ގެންދިޔަ އިރު މުހައްމަދު އިސްމާއިލް ވަނީ އެތައް ފަހަރަކު ނުހައްގުން ޖަލަށް ލެވި ބަންދުކުރެވި އެތައްއެތައް އަނިޔާއެއް ލިބިވަޑައިގެންފައެވެ. އެހުރިހާކަމެއް އެހެން ހުރި ނަމަވެސް މުހައްމަދު އިސްމާޢިލް ޤައުމުގެ ދިފާޢުގައި ކުރެއްވި މަސައްކަތް ހުއްޓާނުލައްވާ ކުރިއަށް ގެންދަވާފައިވާކަން ފާހަގަކޮށްލަން ޖެހެއެވެ.

ކުރިއަށް އޮތް މަޖިލިސް އިންތިހާބުގައި ވަދަކުރެއްވުމަށް މުހައްމަދު އިސްމާއިލް އިއްޔެ ފޯމް ހުށަހަޅުއްވާފައިވާއިރު ، ފޯމްހުށަހެޅުއްވުމަށް ހިންގެވި ހަރަކާތުންވެސް މުހައްމަދު އިސްމާޢިލަށް އެދާއިރާގައި އޮތް ލޯބާއި ތާއިދުފެނިގެން ގޮސްފައިވެއެވެ.