މިސަރުކާރުން ފަށާ، އެންމެ ފުރަތަަމަ ގެދޮރުވެރިކަމުގެ މަޝްރޫއުއިން، ހިޔާ ފްލެޓް އަތުލި މީހުންނަށް ފުލެޓް ދެއްވާނެ ކަމަށް ރައީސުލްޖުމުހޫރިއްޔާ ޑރ މުހައްމަދު މުޢިއްޒު ވިދާޅުވެއްޖެއެވެ.

ރައީސް މިހެން ވިދާޅުވީ ރައްޔިތުންގެ ސުވާލު ތަކަށް، ސީދާ ރައީސުލްޖުމްހޫރިއްޔާ ޖަވާބު ދިނުމަށް ބާއްވާ 'ރައީސްގެ ޖަވާބު' ސިލްސިލާގައި ގދ.ގައްދޫ، މާފެހި، މުޙައްމަދު ޝުހައިލް، ހިޔާ ފްލެޓް ލިބޭނެކަމުގެ ލިޔުން މީގެ ކުރީން ލިބިފައިވާ ފަރާތްތަކަށް ފްލެޓް ލިބޭނެތޯ ދެންނެވި ސުވާލަށް، ޖަވާބު ދެއްވަމުންނެވެ.  

އެގޮތުން ރައީސް މުޢިއްޒު ވިދާޅުވީ، ރިޔާސީ އިންތިހާބުގެ ކެންޕެއިން ތެރެއިން އެމަނިކުފާނު ވަޢުދުވެވަޑައިގެންފައިވާ ގޮތަށް މި ސަރުކާރުން ފަށާ އެންމެ ފުރަތަަމަ ހައުސިން މަޝްރޫއު ގެ ތެރެއިން އެ ފުލްޓްތައް އަތުލި މީހުންނަށް ފުލެޓް ލިބޭނެ ކަމަށެވެ. 

ކުރީގެ ރައީސް ޔާމިންގެ ވެރިކަމުގައި، ރައީސް މުއިއްޒުގެ ހައުސިންގް މިނިސްޓަރު ކަމުގައި، ހިންގި ހިޔާ މަޝްރޫއިން ފްލެޓް ލިބޭނެކަމަށް 2018 ގައި އާންމުކުރި ލިސްޓުގައި ނަން ހިމެނުނު ފަރާތްތަކުގެ ތެރެއިން، ކުރީގެ ރައީސް އިބްރާހިމް މުހައްމަދު ޞާލިހުގެ ސަރުކާރުން، އެ ލިސްޓުން ނަން އުނިކުރި އެންމެހައި ފަރާތްތަކަށްވެސް ޑރ މުހައްމަދު މުއިއްޒުގެ ވެރިކަމެއްގައި ހިންގާ ސޯޝަލް ހައުސިން ޔުނިޓްތަކުން ފްލެޓް ދޭނެކަމުގައި އެމަނިކުފާނު ވަނީ ވިދާޅުވެފަ އެވެ.