ރައްޔިތުންގެ މަޖިލީސް މެދުވެރިކޮށް ސަރުކާރު ޖަވާބުދާރީ ކުރުވާނެ ކަމަށް ޕީޕީއެމް/ޕީއެންސީ ކޯލިޝަންގެ ގެ ފަރާތުން ކުރިއަށް އޮތް ރައްޔިތުންގެ މަޖިލީހުގެ އިނގުރައިދޫ ދާއިރާ އަށް ވާދަކުރައްވާ އިބްރާހިމް ފަލާޙް ވިދާޅުވެއްޖެއެވެ.
ފަލާޙް މިފަދައިން ވިދާޅުވީ ރޭ ކުރިއަށް ދިޔަ އިނގުރައިދޫ ދާއިރާގެ ކެމްޕެއިން ރަސްމީކޮށް ފެށުމަށް ބޭއްވި ހާއްސަ ޖަލްސާގެ ތެރެއިންނެވެ.
މިގޮތުން ފަލާހް ވިދާޅުވީ ކަންކަން ފަރުވާ ކުޑަކޮށް ކުރިއަށް ގެންދާނަމަ، އަމިއްލަ ސަރުކާރެއްތޯ ނުބަލާނެ ކަމަށެވެ.
ފަލާޙް ހުންނަވާނީ ރައްޔިތުންނަށް ހިދުމަތް ކުރުމަށް ކަމަށާއި، ޖަވާބު ދާރީ ކުރުވުމަށް ވަޒީރުންވެސް މަޖިލީހަށް ހާޒިރުކުރާނެ ކަމަށް ފަލާހް ވަނީ ވިދާޅުވެފައެވެ. ފަލާޙް ވިދާޅުވީ އެބޭފުޅާ ހުންނަވާނީ ރައްޔިތުންގެ ޚިދުމަތުގައި ކަމަށެވެ.
މި ފުރުސަތު ތިބޭފުޅުން ދެއްވައިފި ކަމަށްވަންޏާ، ރައްޔިތުން މަޖިލިސް މެދުވެރިކޮށް ސަރުކާރު ޖަވާބުދާރީ ކުރުވާނަން. އެއީ އަޅުގަނޑުމެންގެ ސަރުކާރެއް ވިޔަސް. އަބްދުﷲ ޚަލީލް ވެސް ނުބައިކޮށް ހެލްތު މިނިސްޓްރީ ހިންގަވާ ކަމަށް ވަންޏާ ރައްޔިތުންގެ މަޖިލީހަށް ހާޒިރު ކުރާނަން. އަދު ސްޕޯޓްސް މިނިސްޓަރު ވެސް ޒުވާނުންނާ ގުޅުން ހުރި ކަންކަން ފަރުވާ ކުޑަކޮށް ގެންދާ ކަމަށްވަންޏާ އެކަންކަމަށް ޖަވާބުދާރީ ކުރުވުމަށްޓަކައި ރައްޔިތުންގެ މަޖިލީހަށް ހާޒިރު ކުރުވާނަން. އެ އަޅުގަނޑު ނުބަލާނަން ކޮންމެހެން އަޅުގަނޑު ސަރުކާރަކަށް ނިސްބަތްވާ މިނިސްޓަރެއްތޯ ނޫންތޯއެއް. އަޅުގަނޑު ހުންނާނީ ރައްޔިތުންގެ ފަޅީގައި.
ފަލާޙް ވިދާޅުވިއެވެ.
ރައްޔިތުންގެ މަޖިލީހަށް ވާދަކުރައްވަނީ ލިބޭ ޝަރަފު ބޮޑު ކަމުން ނޫންކަމަށް ވިދާޅުވެ ފަލާޙް ވަނީ ވޯޓު ދެއްވަންވީ މި ހުރިހާ ސަބަބު ތަކަށް ޓަކައި ކަމަށް ވިދާޅުވެފައެވެ.
ފަލާހްއަކީ 18 ވަނަ ރައްޔިތުންގެ މަޖިލީހުގެ އިނގުރައިދޫ ދާއިރާގެ މެންބަރުކަން ކުރައްވާފައިވާ ބޭފުޅެކެވެ.
Advertisement
This content is created and paid for by advertisers and does not involve Voice Journalists
