ފުލުހުންގެ ބެލުމުގެ ދަށަށް ގެންނަ މަސްތުވާތަކެތި ނައްތާލުމުގައި އޮބްޒާވަރުންގެ ގޮތުގައި އާންމު ރައްޔިތުންނަށް ބައިވެރިވުމުގެ ފުރުސަތު ދިވެހި ފުލުހުންގެ ހިދުމަތުން ހުޅުވާލައިފިއެވެ.

މިކަމާއި ގުޅިގެން ފުލުހުން ބުނީ މި ހަރަކާތުގައި އާންމު ރައްޔިތުންގެ ތެރެއިން އޮބްޒާވަރުންގެ ގޮތުގައި ބައިވެރިވާންބޭނުންވާ ފަރާތްތަކުން ނަން ނޯޓުކުރުމުގެ ފުރުސަތު މާރިޗު 1 ވަނަ ދުވަހުގެ 22:00 އާ ހަމައަށް ހުޅުވާލާފައިވާ ކަމަށެވެ.

މި ހަރަކާތުގައި ބައިވެރިވާން ބޭނުންވާ ފަރާތްތަކުން، ފުރިހަމާ ނަމާއި، ދިވެހި ރައްޔިތެއްކަން އަންގައިދޭ ކާޑު ނަންބަރާއި، ގުޅޭނެ ފޯނު ނަންބަރު އެނގޭނޭހެން، ޕޮލިސް މީޑިއާ މެއިލް އަށް މެއިލް ކުރުމަށް ފުލުހުން ވަނީ އެދިފައެވެ. 

Advertisement

 ފުލުހުން ބުނީ މާރިޗު 3 ވަނަ ދުވަހުގެ ހެނދުނު ދޫނިދޫގައި ކުރިއަށްގެންދާ މަސްތުވާތަކެތި ނައްތާލުމުގައި އޮބްޒާވަރުންގެ ގޮތުގައި ބައިވެރިވުމުގެ ފުރުސަތުދިނުމަށް ހަމަޖެހިފައިވަނީ މެއިލްކުރާ ތަރުތީބުން ކަނޑައެޅޭ ވަކި މިންވަރަކަށް ކަމަށެވެ.