ގދ.އަތޮޅު ކައިރީގައި އޮތް ކަނޑުގެ ސަރަހައްދުގައި ޑައިވިންއަށް ގޮސް އުޅެނިކޮށް އޮޔާދިޔަ ޑައިވަރުންތަކަކާއި އިންސްޓްރަކްޓަރުންތަކެއް ފުލުހުން ސަލާމަތްކޮށްފިއެވެ.

ފުލުހުން ބުނީ ފުވައްމުލަކުން ފުރައިގެން ދަތުރުކުރަމުންދިޔަ މެރިން ޕޮލިސް ލޯންޗަކުން ގދ.ގަން ކައިރިން ހާލުގައި ޖެހިފައިވާ ދެމީހަކު ފެނުނު ކަމަށާއި ބެލިބެލުމުން އިތުރު ޑައިވަރުންތަކެއް ވެސް ބާރު ގަދަ ރާޅުތަކެއްގެ ސަބަބުން އޮޔާ ގޮސްފައިވާކަން އެގުނު ކަމަށެވެ.

މިހާދިސާގައި ފުލުހުން ވަނީ އޮޔާ ގޮސްފައިވާ ރަޝިއާގެ 10 ޑައިވަރުންނާއި ހަތަރު އިންސްޓްރަކްޓަރުން ސަލާމަތްކޮށްފައެވެ. މީގެ ތެރޭގައި ތިން ދިވެހި އިންސްޓްރަކްޓަރުން ހިމެނޭ ކަމަށް ފުލުހުން މައުލޫމާތު ދެއެވެ. ފުލުހުން ވަނީ އެއްވެސް މީހަކަށް ގެއްލުމެއް ނުލިބި ރައްކާތެރިކަމާއެކު ގދ.ގައްދޫއަށް ގެންގޮސްފައެވެ.

Advertisement

މިއީ  ހުރިހާ ޑައިވަރުންނާއި ޒިޔާރަތްކުރާ ފަރާތްތަކުން ސަމާލުވެ، އުދައެރުމާއި ކަނޑުގެ އޮޔާއިވަޔަށް އަންނަ ބަދަލުތަކަށް ސަމާލުވެ، އެމީހުންގެ ދުޅަހެޔޮކަން ކަށަވަރުކުރުމަށް ސަލާމަތީ ގައިޑްލައިންތަކަށް ބޯލެނބުމަށް ހަނދާންކޮށްދޭ ހާދިސާ އެއް ކަމަށް ފުލުހުން ވަނީ ބުނެފައެވެ.