ސިނަމާލެ ބްރިޖު ހައިވޭ މަތީގައި މިއަދު ނުރައްކާތެރި ދެ އެކްސިޑެންޓެއް ހިނގައިފިއެވެ.

ފުލުހުން ބުނީ މިއަދު ހެނދުނު 7:41 ހާއިރު ހުޅުމާލެ އިން މާލެ އަންނަ ފަޅީގައި ޕިކަޕަކާއި ދެ ސައިކަލެއް ޖެހި އެކްސިޑެންޓެއް ހިނގާފައިވާ ކަމުގެ މައުލޫމާތު ފުލުހުންނަށް ރިޕޯޓް ކޮށްފައިވާ ކަމަށެވެ. މި އެކްސިޑެންޓް ގައި އެތަނުން އެއް ސައިކަލު ދުއްވަން އިން މީހާ އަށް އަނިޔާވެގެން ހުޅުމާލެ ހޮސްޕިޓަލް ގައި އަންނަނީ ފަރުވާ ދެމުންނެވެ.

މީގެ އިތުރުންވެސް ފުލުހުން ބުނީ މިއަދު ހެނދުނު 8:10 ގައި ވެސް ހުޅުމާލެ އިން މާލެ އަންނަ ފަޅީގައި ކާރަކާއި ސައިކަލެއް ޖެހި އެކްސިޑެންޓް ވެފައިވާކަމުގެ ރިޕޯޓް ކޮށްފައިވާ ކަމަށެވެ. މި އެކްސިޑެންޓް ގައި ސައިކަލު ދުއްވަން އިން މީހާ އަށް އަނިޔާވެފައިވާ ކަމަށާއި، އޭނާ އަށް ހުޅުމާލެ ހޮސްޕިޓަލް ގައި ފަރުވާ ދެމުން އަންނަ ކަމަށް ފުލުހުން މައުލޫމާތު ދެއެވެ.

Advertisement

މި ދެ އެކްސިޑެންޓް ވެސް ފުލުހުން އަންނަނީ ތަހުގީގު ކުރަމުންނެވެ.

މި ދެ އެކްސިޑެންޓް ގެ އިތުރުން، ރޭ ދަންވަރު 2:32 ހާއިރު ހުޅުމާލެ ފޭސް-1 ގައި ބާރު ސްޕީޑެއްގައި ދުއްވާފައި ދިޔަ ސައިކަލެއް އިމިގްރޭޝަންގެ ޕާކުކޮށްފައި އޮތް ވޭނެއްގައި ޖެހި ވަނީ ނުރައްކާތެރި އެކްސިޑެންޓެއް ހިނގާފައެވެ. މި އެކްސިޑެންޓް ގައި އަނިޔާވި 19 ވަނަ އަހަރުގެ ފިރިހެން މީހާ އަށް ޓްރީޓޮޕް ހޮސްޕިޓަލްގައި ފަރުވާ ދެމުން އަންނަ އިރު، އޭނާގެ ހާލު ސީރިއަސް ކަމަށް އެ ހޮސްޕިޓަލުން ވަނީ ހާމަކޮށްފައެވެ.