އަޑުއިވުމާއި ޖިސްމާނީ ނުކުޅެދުންތެރިކަން ހުންނަ ފަރާތްތަކަށް ވޯޓުލާ މަރުކަޒުގައި އޮފިޝަލުންގެ ގޮތުގައި ހަރަކާތްތެރިވުމުގެ ފުރުސަތު ފުރަތަމަ ފަހަރަށް އިލެކްޝަންސް ކޮމިޝަން (އީސީ) ދީފިއެވެ.
ރައްޔިތުންގެ މަޖިލީހުގެ އިންތިޚާބު 2024ގެ ވޯޓުލާ މަރުކަޒުގައި އޮފިޝަލުންގެ ގޮތުގައި ހަރަކާތްތެރިވުމުގެ މިފަދަ ފަރާތްތަކަށް ދީފައިވާއިރު،މިފަރާތްތަކަށް ޚާއްސަކޮށްގެން ތަމްރީން ޕްރޮގްރާމެއްވެސް އީސީ އިން ވަނީ ކުރިއަށް ގެންގޮސްފައެވެ.
އީސީން ބުނީ ތަމްރީން ޕްރޮގްރާމްގައި އިންތިޚާބުގެ ޕްރޮސެސްއާއި ޤަވާއިދުތަކުގެ އިތުރުން ހަވާލުކުރެވޭ މަގާމުގެ މަސްއޫލިއްޔަތު ދަސްކޮށްދީ، އިންތިޚާބުގައި ބައިވެރިވާ އެހެން އޮފިޝަލުންނާއި އެމީހުންނާއި ތަފާތު ނުކުރާނެ ކަމަށެވެ. ވޯޓުލާ މަރުކަޒުތަކުގައި އެފަރާތްތަކަށް ހަވާލުކުރާނެ މަސްއޫލިއްޔަތު ތަކުގެ ތެރޭގައި، އިނގިލީގައި ފާހަގަޖެހުމާއި ކިއުނަމްބަރު ދޫކުރުމުގައިވެސް ބައިވެރިކުރާނެ ކަމަށެވެ.
އޭޕްރިލް މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ މަޖިލިސް އިންތިހާބުގައި ނުކުޅެދުންތެރިކަން ހުންނަ 9 ފަރާތެއް ބައިވެރިވާއިރު، އެހެން ފަރާތްތަކަށްވެސް ދެވޭ އުޖޫރަ އެފަރާތްތަކަށްވެސް ދޭނެ ކަމަށް އީސީ އިން ބުނެއެވެ.
Advertisement
This content is created and paid for by advertisers and does not involve Voice Journalists
