ހުޅުމާލޭ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފުލެޓް ތަކުގައި އަލުން ހަރުކުރަން ފަށާފައިވާ ލިފްޓް ތަކުގެ ތެރެއިން ބައެއް ފުލެޓް ތަކަށް ސްޓްރެޗާ އެރުވޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވެފައި ވަނީ، ރައީސް އޮފީހުން ކުރިއަށް ގެންދާ “ރައީސްގެ ޖަވާބު” ގެ މިއަދުގެ ސެގްމެންޓްގައި، ގދ.ގައްދޫ، ކައިރުގޭ، މުޙައްމަދު ލަބީބު، ހުޅުމާލެ ދެވަނަ ފިޔަވަހީގެ ހިޔާ ޓަވަރުތަކުގައި އިތުރު ލިފްޓުތަކެއް ހަރުކުރާއިރު ބަލިމީހުން އުފުލާ ބާލަން ފަސޭހަ އިންތިޒާމެއް ހަމަޖެހޭނެތޯ ދެންނެވި ސުވާލަށް ދެއްވި ޖަވާބުގައެވެ.
މިހާރު ހަރުކުރެވެމުންދާ ލިފްޓް ތަކުގެ ތެރޭގައި ސްޓްރެޗަރ އެރުވޭ ލިފްޓްވެސް އޭގެ ތެރޭގައި ހިމެނޭނެ. އެހެންވީމާ ހިޔާ ފުލްޓްތަކުގައި ހަރު ކުރެވޭ ލިފްޓަ ތަކުގެ މަޝްރޫއު ނިމޭއިރު އިރާދަކުރެއްވިއްޔާ އެކަމަށް ހައްލެއް ލިބިގެންދާނެ
ރައީސުލްޖުމްހޫރިއްޔާ ޑރ. މުހައްމަދު މުޢިއްޒު
ހިޔާ ފުލެޓްތަކުގައި ލިފްޓް ހަރުކުރުމުގެ މަސައްކަތް ހަވާލުކޮށްފައި ވަނީ މިކަމުގެ ތަޖުރިބާ ހުރި ޗައިނާގެ ކުންފުންޏެއް ކަމަށްވާ ޝެންޔަންގް ޔުއާންޑް އިންޓެލެކްޗުއަލް ގުރޫޕާއެވެ.
ހައުސިންގ ޑެވެލޮޕްމަންޓް ކޯޕަރޭޝަން، އެޗްޑީސީގެ ފަރާތުން މަޢުލޫމާތު ދިން ގޮތުގައި ހިޔާ ފްލެޓްތަކުގައި މުޅި ޖުމްލަކޮށް 32 އާ ލިފްޓް ބެހެއްޓިގެންދާނެއެވެ.
އެއީ ކޮންމެ ފްލެޓަކަށް އިތުރު ޕެސެންޖަރ އަދި ސްޓްރެޗަރ ލިފްޓެކެވެ. އެގޮތުން ޕެސެންޖަރ ލިފްޓުގައި 14 މީހުންގެ ޖާގަ ހުންނާނެއެވެ.
Advertisement
This content is created and paid for by advertisers and does not involve Voice Journalists
