ވެލާނާ އިންޓަރނޭޝަނަލް އެއަރޕޯޓްގެ މަގުތައް މަރާމާތުކޮށް ބެލެހެއްޓުމާއި އަދި އެއަރޕޯޓްގައި ބިނާރާއި ގުޅުންހުރި މަސައްކަތްތައް ކުރުމަށް މެމޮރަމްޑަމް އޮފް އަންޑަސްޓޭންޑިންގ (އެމް.އޯ.ޔޫ) އެއްގައި މޯލްޑިވެސް އެއަރޕޯޓްސް ކޮމްޕެނީ އާއި ރޯޑް ޑިވެލޮޕްމަންޓް ކޯޕަރޭޝަނާއި ދެމެދު ސޮއިކޮށްފިއެވެ.

އާރްޑީސީން ބުނީ، މި އެމް.އޯ.ޔޫގެ ދަށުން އެއަރޕޯޓްގެ މަގު ހެދުމާއި، މަރާމާތުކުރުމާއި، ރީސަރފޭސް ކުރުން ހިމެނޭ ކަމަށެވެ. އަދި މަގުތައް ގަވާއިދުން ބެލެހެއްޓުމާއި މަގުގައި ހެދިފައި ހުންނަ ވަޅުގަނޑު ރަނގަޅު ކުރުމާއި އިމާރާތްތަކުގެ ރެނދުލާފައިވާ ތަންތަން ރަނގަޅު ކުރުން ފަދަ ކަންކަމުގެ އިތުރުން، މަގުތަކުގައި ލައިން މާކިންގ ދެމުން ހިމެނޭ ކަމަށެވެ.

މީގެ އިތުން، މަގުމަތީގެ ސަރަހައްދުތަކާއި، ފެން ހިއްކުމުގެ ނިޒާމުތަކާއި، އަދި އެއާ ގުޅުންހުރި އިންފްރާސްޓްރަކްޗަރ ސާފުކުރުންވެސް ހިމެނޭ ކަމަށް އާރްޑީސީން ބުނެފައިވެއެވެ.

Advertisement

އަދި އެމް.އޭ.ސީ.އެލް އިން ދޭ އިރުޝާދާ އެއްގޮތްވާ ގޮތުގެ މަތިން އާންމު ތަންތަނާއި، ސައިޑްވޯކްތަކާއި، އަދި އެނޫންވެސް ކަނޑައެޅިފައިވާ ތަންތަން ސާފުކުރުން. ކަނޑައެޅިފައިވާ ސަރަހައްދުތަކުން ކުނި، އަދި އެހެނިހެން ކުނި ނައްތާލުން.