މި ރަމަޟާން މަހުވެސް މެދު ކެނޑުމެއްނެތި ދިވެހިންގެ އެހީގައި ފަލަސްޠީނުގެ ޣައްޒާގައި އިފްތާރު ޕެކޭޖު ބަހަމުންދާ ކަމަށް އައިއޭސީން ބުނެފިއެވެ. 

އައިއޭސީން ކުރިއަށް ގެންދާ ލޯތްބާއެކު ކެންޕެއިންގެ ތެރެއިން ޣައްޒާގެ އެކި ކަންކޮޅުތަކުގައި ތިބި މުސްލިމުންނަށް ރޯދަ ވީއްލުމަށް އިފްތާރު ޕެކޭޖު ކޮންމެ ދުވަހަކުވެސް ފޯރުކޮށްދެމުންދާ ކަމަށް އެ ޖަމިއްޔާއިން ވޮއިސް އަށް މައުލޫމާތު ދީފައި ވެއެވެ.

އެގޮތުން ކޮންމެ ދުވަހަކު 3000 ޕެކޭޖު ޣައްޒާގެ އާއިލާ ތަކަށް ބަހަމުންދާ ކަމަށް އެ ޖަމިއްޔާއިން ފާހަގަކޮށްފައި ވެއެވެ. 

އައިއޭސީގެ އިފްތާރު ޕެކް ބަހަނީ- ފޮޓޯ/ އައިއޭސީ

ޣައްޒާގެ އިތުރުން ދިވެހި ރައްޔިތުންގެ އެހީ ރަމަޟާން މަހު ދުނިޔޭގެ އެކި ކަންކޮޅުތަކަށް އައިއޭސީން ދަނީ ފޯރުކޮށްދެމުންނެވެ. އެގޮތުން ހާލުގައި ދިރިއުޅެމުންދާ އެކިއެކި ފަރާތްތަކަށް އިފްތާރު ޕެކޭޖް އައިއޭސީން އަންނަނީ ބަހަމުންނެވެ. 

އައިއޭސީން އެދެނީ ހުއްޓުމެއްނެތި ލޯތްބާއެކު ކެންޕެއިނަށް އެހީ ފަޯރުކޮށްދެއްވަމުން ގެންދިޔުމަށެވެ. 

އެގޮތުން އެހީވާން ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޓްރާންސްފަރ ކުރުމަށް އައިއޭސީން އެދެއެވެ. 

ބީއެމްއެލް އިސްލާމިކް

އެކައުންޓް ނަމްބަރު: 7770000062740

އެކައުންޓް ނަން: International Aid Campaign

އެކައުންޓް ލޭބަލް: IAC | SEASONAL

މީގެ އިތުރުން އޮންލައިންކޮށް ޑޮނޭޓްކުރަން ބޭނުންވާ ފަރާތްތަކަށް އަންނަނިވި ލިންކު މެދުވެރިކޮށް ފައިސާ ހަދިޔާ ކުރެވޭނެ ކަމަށް ބުނެފައިވެއެވެ. 

https://iac.mv/withlove-2024

އައިއޭސީގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށެވެ.