ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)ގެ ފައިސާއަށް ޚިޔާނަތްތެރިވި މައްސަލައާއި ގުޅިގެން ތަހުގީގު ކުރުމަށް އެމްޑީޕީގެ ޗެއާޕާސަން ފައްޔާޒު އިސްމާއީލް ފުލުހުންގެ އިދާރާއަށް ހާޒިރުވުމަށް އަންގައިފިއެވެ.

ފައްޔާޒަށް ފުލުހުން ފޮނުވި ޗިޓުގައި ބުނެފައިވަނީ އާރްޑީސީއަށް ލިބޭ ފައިސާ އެކުންފުނީގެ ވެރިންނާއި އާރްޑީީސީ އާއި ގުޅުން އޮންނަ ފަރާތްތަކަށާއި ކުންފުނިތަކައް ދޫކޮށް އާރްޑީސީގެ ފައިސާއަށް ޚިޔާނާތްތެރިވި މައްސަލައާ ގުޅިގެން ފުލުހުންގެ އިދާރާއަށް ހާޒިރުވުމަށް އަންގާ ކަމަށެވެ.

ފައްޔާޒަށް ތުހުމަތުކޮށްފައިވަނީ ފައިސާއަށް ޚިޔާނާތްތެރިވި މައްސަލާގައި އާރުޑީސީން ކޮށްފައިވާ މުޢާމަލާތްތަކުގެ ތެރެއިން މާލީ މަންފާ އޭނާއަށް ލިބިފައިވާ ކަމަށެވެ. 

Advertisement

ފައްޔާޒު އެކަމާ ގުޅިގެން ތަހުގީގުކޮށް ސުވާލުކުރުމަށް އެ އިދާރާއަށް ހާޒިރުވުމަށް އަންގާފައިވަނީ 28 މާރިޗު 2024 ވާ ބުރާސްފަތި ދުވަހުގެ މެންދުރު 15:00 ގައި ސާޖަންޓް އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގ އަށެވެ.