އިންޓަ ނޭޝަނަލް އެއިޑް ކެމްޕެއިން، އައިއޭސީއިން ތުރިކީގެ ހަތޭ ޕްރޮވިންސްގައި އިފްތާރު ޕްރޮގްރާމެއް ބާއްވައިފިއެވެ. 

މި އިފްތާރް ޕްރޮގްރާމްގައި އެ ސަރަހައްދުގައި ދިރިއުޅެމުންދާ 1000 އެއްހާ މީހުން ބައިވެރިވެފައިވާ އިރު 300 އެއްހާ ކުޑަ ކުދިންވެސް ހިމެނެއެވެ.

މިދިޔަ އަހަރު ތުރުކީ އަދި ސީރިއާއަށް އައި 7.8 ބާރުމިނުގެ ބިންހެލުމުގައި، އެންމެ ބޮޑަށް އަސަރު ކުރި އެއް ހިސާބު ކަމުގައިވާ ހަތޭ ޕްރޮވިންސްގައި ގިނަ އަދައްދެގެ އާއިލާތަކަށް ވަނީ ގެއްލުންލިބިފައެވެ. އަދި ގެއްލުން ލިބުނު މީހުންގެ ތެރޭގައި އެތަކެއް ސީރިއާ ރެފިއުޖީއިންވެސް ހިމެނެއެވެ. 

އައިއޭސީއިން ތުރުކީގެ ނިކަމެތި ކުދިންނަށް ބޭއްވި ޚާއްސަ ރޯދަ ވީއްލުމުގެބތެރެއިން— ފޮޓޯ/ ވޮއިސް

މި އިފްތާރު ޕްރޮގްރާމް ޚާއްސަ ކުރެވިފައިވަނީ މި ސަރަހައްދުގައި ޓެންޓުތަކުގައި އަދި ގެއްލުން ލިބިފައިވާ ގެތަކުގައި ދިރިއުޅެމުންދާ ކުޑަ ކުދިންނަށާއި އެ ކުދިންގެ އާއިލާތަކަށެވެ. އެގޮތުން މި ޕްރޮގްރާމްގައި ކުޑަ ކުދިންނަށް ޚާއްސަ ކުޅިވަރާއި ހަރަކާތްތަށްވެސް ކުރިއަށް ގެންގޮސްފައިވެއެވެ.

އައިއޭސީއިން ތުރުކީގެ ނިކަމެތި ކުދިންނަށް ބޭއްވި ޚާއްސަ ރޯދަ ވީއްލުމުގެބތެރެއިން— ފޮޓޯ/ ވޮއިސް

އައިއޭސީގެ މީޑިއާ އަދި ޕީއާރް ޑިރެކްޓަރ، އަޒްހަދު އަޚްމަދު ބުނީ، އައިއޭސީގެ މި އިފްތާރު ޕްރޮގްރާމްއަކީ "ލޯތްބާއިއެކު" ޕްރޮޖެކްޓްގެ ދަށުން ކުރިއަށް ގެންދިޔަ ޕްރޮގްރާމެއް ކަމަށެވެ. ލޯތްބާއިއެކު ޕްރޮޖެކްޓަކީ 2018 ވަނަ އަހަރުގެ ތެރޭގައި ރަމަޟާން މަހަށް ޚާއްޞަކޮށް އައިއޭސީއިން އިފުތިތާހުކުރި ޕްރޮޖެކެޓެވެ.  މި ޕްރޮޖެކްޓުގެ އެންމެ މައިގަނޑު މަޤްޞަދަކީ ރަމަޟާން މަހުގެ ތެރޭގައި ދުނިޔޭގެ އެކި ކަންކޮޅުތަކުގައި ހާލުގައި ޖެހިފައިވާ ފަރާތްތަކަށް އެހީފޯރުކޮށްދިނުމެވެ.

ތުރުކީއަށް އައި ބިންހެލުމަށް އަހަރެއް ވެފައިވާ އިރުވެސް، އެ ހިސާބުގެ ގިނަ އަދަދެއްގެ ކުޑަ ކުދިންނާއި މީހުން އަދިވެސް ދިރިއުޅެމުންދަނީ ޓެންޓުތަކުގައެވެ.