ކުކުޅަކީ ހުކުރު ދުވަހާއި ވަރަށް ގުޅުން ހުރި އެއްޗެކެވެ. އާއްމު ގޭގޭގައި ހުކުރު ދުވަހު ކުކުޅުން އެކި ބާވަތްތައް ތައްޔާރު ކުރެއެވެ. އެހެންކަމުމް މި ހުކުރު ވޮއިސްގެ ބަދިގެއިން މި ގެނެސްދެނީ ވަރަށް މީރުކޮށް، މުރަނަކޮށް ހަނީ ކޯޓެޑް ކްރިސްޕީ ޗިކަން ތައްޔާރު ކުރާނެ ގޮތެވެ. 

1 ކުކުޅު ފައި ޕެކެޓް (900ގ, ހަން ނުނޮޅައި ޅިޔަ އަޅާފައި)

2 ބިސް

1 ސައި ސަމުސާ ގާނާފައި ހުރި ލޮނުމެދު

1 ސައިސަމުސާ ގާނާފައި ހުރި އިނގުރު 

1 މޭޒުމަތީ ސަމުސާ ޓޮމާޓޯ ޕޭސްޓް 

1 ސައި ސަމުސާ ޓޮމާޓޯ ސޯސް

1 ސައި ސަމުސާ ސޯޔާ ސޯސް

ރަހާލާ ވަރަށް ލޮނު 

1 މޭޒުމަތީ ސަމުސާ މުގުރި ހިކި މިރުސް 

1 ސައި ސަމުސާ މުގުރި އަސޭ މިރުސް

1 ޖޯޑު ދިޔާ ކިރު

ކުކުޅު ކޮޅާއި ކިރު ފިޔަވައި ދެން ހުރި ތަކެތި ރަނގަޅަށް އެއްކޮށްލުމަށްފަހު ކިރު ވެސް މަޑު މަޑުން އަޅަމުން އެއްކޮށްލާށެވެ. ދެން އޭގެ ތެރެއަށް ކުކުޅު ކޮޅު ލައި ރަނގަޅަށް އެކުލަވައި ލުމަށްފަހު މަތި ރަނގަޅަށް ބަންދު ކޮށްލާފައި މަދުވެގެން 3 ގަޑިއިރު ވަންދެން މެރިނޭޓް ކުރަން ބަހައްޓާށެވެ.

1 ޖޯޑު ފުށް

1 މޭޒުމަތީ ސަމުސާ ކޯން ފްލާރ

1/2 ސައި ސަމުސާ ބޭކިންގ ޕައުޑަރ

1 ސައި ސަމުސާ ލޮނުނެދު ޕައުޑަރ (ނުވަތަ ގާނާފައި ހުރި ލޮނުމެދު)

ލޮނުކޮޅެއް

1 ސައި ސަމުސާ މުގުރި ހިކި މިރުސް

1/2 ސަމުސާ ރީނދޫ 

ހުރިހާ ބާވަތެއް ރަނގަޅަށް އެއްކޮށްލުމަށްފަހު، މެރިނޭޓް ކުރި ކުކުފައި ތަކުގައި، ފަހަރަކު ފައެއްގެ ބޭރުގަައި ރަނގަޅަށް ފުށް އުނގުޅައި ލުމަށްފަހު މެރިނޭޓް ކުރި ދިޔަ ގަނޑުތެރެއަށް ލައި ތެންމާލުމަށްފަހު އަނެއްކާވެސް ފުށަށް ލައި ރަނގަޅަށް ފައިގައި ފުށް އުނގުޅާލާށެވެ.

އެއަށްފަހު އުނދުން މައްޗަށް ތެޔޮ އުދައި އެ ހޫނު ވުމުން ކުކުޅު ފައި އެއަށް އަޅާށެވެ. މަޑު ގިނީގައި ކުކުޅު ފައި ކޮޅު ރޯ ފިލަންދެން ތެލުލާލާށެވެ. 

3 މޭޒުމަތީ ސަމުސާ ބަޓަރު

1/3 ޖޯޑު ޗިލީ ސޯސް

1/3 ޖޯޑު ފްރައިޑް ޗިކަން ޗިލީ ސޯސް

1 ސައި ސަމުސާ މުގުރި މިރުސް

3 މޭޒުމަތީ ސަމުސާ މާމުއި

1 ސައި ސަމުސާ މާމުއި

1) މަޑު ގިނީގައި ބަޓަރކޮޅު މެލްޓް ކޮށްލުމަށްފަހު، އޭގެ ތެރެއަށް މާމުއި އާއި ލުނބޯ ފިޔަވައި ދެން ހުރިހުރިހާ ތަކެތި އަޅައި އެކުލަވާއިލާށެވެ.

2) ދެން އޭގެ ތެރެއަށް މާމުއި އެޅުމަށްފަހު އެކުލަވާލާފައި، ކެކެން ފެށުމުން ލުނބޯ ހުތް އަލާފައި އެކުލަވާލުމަށްފަހު އުނދުން ނިއްވާލާށެވެ. 

3) ދެން ތެލުލި ކުކުޅުތައް ހަނީ ކޯޓިންގެ ތެރެއަށް އަޅައި ރަނގަޅަށް އެކުލަވާލާށެވެ. 

މިގޮތަށް ތައްޔާރު ކުރާ ކުކުޅު، ޗިކަން ޑިޕިން އާއި، ސެލެޑް އަދި ފްރެންޗް ފްރައިސް އާއި އެކު ކާލާއިރު ވަރަށް މީރުވާނެއެވެ.