ސަރުކާރަށް ފާރަވެރިވެވޭނީ އެމްޑީޕީއަކަށް ނޫން ކަމަށް ކުރީގެ ރައީސް އަދި އެމްޑީޕިގެ ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދުގެ ނުރަސްމީ އެކައުންޓުން އެކްސްގައި ކުރެއްވި ޕޯސްޓެސްގައި ވިދާޅުވީ ސަރުކާރަށް ފާރަވެރިވެވޭނީ ކުރީގައި ވެސް އެކަން ކުރި މީހުންނަށް ކަމަށާއި އެއީ ޑިމޮކްރެޓްސްއަށް ކަމަށެވެ.
މިއާއެކު ނަޝީދު ވިދާޅުވީ، އެމްޑީޕީ ގިނަ މަޖިލިސް މެންބަރުން ކޮންޓްރެކްޓްއެއްގެ ބޭނުމުގައި ފާރަވެރިވުން މުޅިން ދޫކޮށްލާފައިވާކަމަށް އެމަނިކުފާނު ތުހުމަތު ކުރެއްވިއެވެ.
"ދެންވެސް އެމްޑީޕީ މަޖިލިސް މެންބަރުން ގުޑާނީ ކޮންޓްރެކްޓަށް، އެމްޑީޕީގެ ތިލަފަތް އޮތީ ޑިމޮކްރެޓްސް އަތުގައި. އަސްލު އެމްޑީޕީއަކީ އަޅުގަނޑުމެން"
ރައީސް ނަޝީދު
އެމްޑީޕީގެ ރައީސް ކަމުގައި ހުންނަވައިގެން އެ ޕާޓީ ތެރެއިން އުފެދުނު ހަމަނުޖެހުމުގެ ތެރެއިން، ޑިމޮކްރެޓްސްގެ ނަމުގައި އައު ޕާޓީއެއް އުފައްދަވައި، އެމްޑީޕީގެ ވެރިކަން ވައްޓާލުމަށްވެސް އެންމެ ބޮޑަށް މަސައްކަތް ކުރި އެއް ޕާޓީ އަކީ ޑިމޮކްރެޓްސްއެވެ.
އެގޮތުން، އެ ޕާޓީއާއި ގުޅުނު މެންބަރުން ވަނީ، އެމްޑީޕިގައި ތިބެގެންވެސް އެމްޑީޕީން ގަބޫލުކުރާ ޕާޓީގެ އަސާސްތައް މިހާރު އެ ޕާޓީން ނުހިފަހައްޓާ ކަމަށް ބުނެ ނުރުހުން ފާޅު ކުރައްވާފައެވެ.
Advertisement
This content is created and paid for by advertisers and does not involve Voice Journalists
