އެމްޑީޕީ އަކީ އަބަދުވެސް ރައްޔިތުންނަށް ހިދުމަތް ކުރާ ބައެއް ކަމަށް އިދިކޮޅު އެމްޑީޕީގެ އެޑްވައިޒަރު އަދި ކުރީގެ ރައީސް އިބްރާހިމް މުޙައްމަދު ޞާލިހު ވިދާޅުވެއްޖެއެވެ.
މި މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގައި އެމްޑީޕީގެ ފަރާތުން ވާދަކުރާ ކެނޑިޑޭޓުންނަށް ކެމްޕޭން ކުރުމުގެ ގޮތުން ބާއްވާ ކެމްޕޭން ޖަލްސާއެއްގައި ވާހަކފުޅު ދައްކަވަމުން ރައީސް ޞާލިހު ވިދާޅުވީ، އެމްޑީޕީން އަބަދުވެސް މަސައްކަތްކުރާނީ ރައްޔިތުންނަށް ޚިދުމަތްކުރުމަށާއި، ރައްޔިތުންގެ ހައްގުގައި އެ ޕާޓީން އަބަދުވެސް ނިކުންނާނެކަމަށެވެ.
"އެމްޑީޕީއަކީ އަބަދުވެސް ރައްޔިތުންނަށް ޚިދުމަތްކުރާ ބައެއް. ރައްޔިތުންގެ ބޭނުންތައް ފުއްދާދިނުމަށް މަސައްކަތްކުރާ ބައެއް. ރައްޔިތުންގެ ޙައްޤުގައި އެމްޑީޕީން ނިކުންނާނެ އަބަދުވެސް."
ރައީސް ޞާލިހު ވިދާޅުވިއެވެ.
ރައީސް ޞާލިހުގެ ވާހަކަފުޅުގައި އެމަނިކުފާނު ވަނީ އެމްޑީޕީގެ ސަރުކާރުން ފެށި މަޝްރޫޢުތައް މިސަރުކާރުން ހުއްޓާލާފައިވާކަމަށް ތުހުމަތު ކުރައްވައި، ސަރުކާރަށް ވަރަށް ބޮޑަށް ފާޑުވިދާޅުވެފައެވެ.
އަންނަ މަޖިލީހުގެ މެޖޯރިޓީ އެމްޑީޕީއަށް ހޯދުން ވަރަށް މުހިންމު ކަމަށާއި، އެހެން ނޫން ނަމަ މިހާރު ވެރިކަންކުރާ ޕީއެންސީން ގެންދާނީ ހުދުމުހުތާރު ސިފަތަކުގެ ވެރިކަމަކަށް ކަމަށް ވެސް ރައީސް ޞޯލިހު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
