20 ވަނަ ރައްޔިތުންގެ މަަޖިލީހުގެ އިންތިހާބު ގައި މަޖިލީހުގެ ކުރީގެ ދައުރުގެ މަކުނުދޫ ދާއިރާގެ މެމްބަރު ޑރ. އަނާރާ ނައީމް އާއި ފިރިކަލުން އާދަމް ޝަފީގް ވެސް ވާދަކުރެއްވި ދާއިރާގެ ގޮނޑި ކާމިޔާބު ކުރައްވައިފި އެވެ.
އަނާރާ އިންތިހާބުވެވަޑައިގެންނެވީ ހުރާ ދާއިރާ އިންނެވެ. އެ ދާއިރާއަށް އަނާރާ ވާދަ ކުރެއްވީ އަމިއްލަ ގޮތުން، ސަރުކާރުގެ ތާއީދާވެސް އެކުގައެވެ.
އަނާރާގެ ފިރިކަލުން ވާދަކުރެއްވީ ޕީއެންސީގެ ޓިކެޓްގައި އަނާރާ ކުރިން ފުރުއްވި މަކުނުދޫ ދާއިރާގެ ގޮނޑި އަށެވެ. އާދަމް ޝަފީގުއާ އެންމެ ގާތުން ވާދަކުރެއްވީ އަދާލަތު ޕާޓީގެ ރައީސް އިމްރާން އަބްދުالله އެވެ.
މިއީ މި ފެށޭ މަޖިލީހުގައި އިންނަވާނެ ހަމައެކަނި ދެމަފިރިކަނބަލުންނެވެ. މި ފަހަރުގެ މަޖިލީހަށް ގާސިމް އިބްރާހިމް އާއި އަނބިކަނބަލުން އައިޝަތު ނަހުލާ ވާދަކުރެއްވިއެވެ. އެހެންނަމަވެސް، މާމިގިލީ ދާއިރާ ގާސިމް ކާމިޔާބު ކުރެއްވި އިރު ނަހުލާ އަށް ވާދަކުރެއްވި ދާއިރާއިން ގޮނޑި ލިބޭ ގޮތެއް ނުވިއެވެ.
19 ވަނަ ރައްޔިތުންގެ މަޖިލީހުގައި ތިއްބެވި ފޭދޫ ދާއިރާގެ މެމްބަރު ރޮޒައިނާ އާދަމް އާއި ފިރިކަލުން ކިނބިދޫ ދާއިރާގެ މެމްބަރު މުހައްމަދު ނާޝިޒަށް މިފަހަރު ކާމިޔާބީއެއް ނުލިބުނެވެ. އެގޮތުން ރޮޒައިނާއަށް ނާކާމިޔާބީއާ ކުރިމަތިލާން ޖެހުނީ ޕްރައިމަރީންނެވެ.
ދެން ތިއްބެވި ތުޅާދޫ ދާއިރާގެ މެމްބަރު ހިސާން ހުސެން އާއި ފިރިކަލުން އިބްރާހިމް ނާޒިލްގެ ތެރެއިން، ހިތަދޫ ދެކުނު ދާއިރާގެ ގޮނޑި ނާޒިލް ކާމިޔާބު ކުރެއްވި އިރު ހިސާން މި ފަހަރު މަޖިލީހަށް ވާދަނުކުރައްވައެވެ.
Advertisement
This content is created and paid for by advertisers and does not involve Voice Journalists
