އިއްޔެ ބޭއްވި ރައްޔިތުންގެ މަޖިލީހުގެ ވިހިވަނަ އިންތިޚާބުގައި، ވޯޓަށް ލިބުނު ތަރުހީބުގައިވެސް ކުރީގެ މަޖިލިސް އިންތިހާބުތަކާ އަޅައި ބަލާއިރު މާބޮޑު ފަރަޤެއް ނެތްކަމަށް އިލެކްޝަންސް ކޮމިޝަން (އީސީ) އިން ބުނެފި އެވެ.
އީސީ އިން ބުނީ ނިމިދިޔަ ރިޔާސީ އިންތިހާބާ އަޅައި ބަލާއިރު އިއްޔެގެ މަޖިލިސް އިންތިހާބުގައި ވޯޓުލާން ނުކުތް މީހުންގެ އަދަދު މަދު ނަމަވެސް، ކުރީ އަހަރުތަކުގެ މަޖިލިސް އިންތިހާބާ މި އަހަރުގެ މަޖިލިސް އިންތިހާބާ އަޅައި ބަލާއިރު މާބޮޑު ފަރަގެއް ނެތްކަމަށެވެ.
އީސީ އިން އިތުރަށް ބުނެފައި ވަނީ ވޯޓުލުމުގެ ތެރޭގައި ބޮޑު މައްސަލައެއް ދިމާވެފައި ނުވާކަމަށެވެ.
އިއްޔެ ވޯޓުލުމުގެ ކަންތައްތަކާ ގުޅިގެން ހައްޔަރު ކޮށްފައިވަނީ ތިން މީހެކެވެ. އެއީ މާލެއިން އެކަކާއި ގދ. ފިޔޯރީިއިން ދެ މީހެކެވެ. މާލެއިން ހައްޔަރުކުރި މީހާ ހައްޔަރު ކޮށްފައިވަނީ ވޯޓު ކަރުދާސް ދެއްކި މައްސަލައަކާ ގުޅިގެން ކަމަށް ފުލުހުން ވިދާޅުވެއެވެ. ފިޔޯރީން ދެ މީހުން ފުލުހުންގެ ބެލުމުގެ ދަށަށް ގެންދިޔައީ ވޯޓުލާ މަރުކަޒުގެ މަސްލަހަތު ނަގާލާ ވޯޓުލުމަށް ހުރަސްއެޅުމުން ކަމަށްވެސް ފުލުހުން މައުލޫމާތު ދެއްވައެވެ. މިހާރު ހައްޔަރު ކުރި ތިން މީހުންވެސް ވަނީ ދޫކޮށްލާފަ އެވެ.
އިއްޔެ ބޭއްވި އިންތިޚާބުގައި ތިން ސަތޭކައަށްވުރެ ގިނަ ކެންޑިޑޭޓުން ވާދަކުރިއިރު، ސަރުކާރުން ވަނީ 70 އަށްވުރެ ގިނަ ގޮނޑިއާއެކު މަޖިލީހުގެ ސުޕަ މެޖޯރިޓީ ހޯދާފަ އެވެ.
Advertisement
This content is created and paid for by advertisers and does not involve Voice Journalists
