އިއްޔެ ބޭއްވި ރައްޔިތުންގެ މަޖިލީހުގެ ވިހި ވަނަ އިންތިޚާބަކީ ވަރަށް ފުރިހަމަ އިންތިޚާބެއްކަމަށް ބައިނަލްއަޤްވާމީ އޮބްޒާވަރުން ވިދާޅުވެއްޖެއެވެ.
އިންތިޚާބު އޮބްޒާރވްކުރައްވަން ވަޑައިގެންނެވި ބައިނަލްއަޤްވާމީ އޮބްޒާވަރުން މިއަދު ބޭއްވެވި ނޫސްވެރިންގެ ބައްދަލުވުމެއްގައި ވިދާޅުވީ އިންތިޚާބުގެ ކަންކަން ދިޔައީ ވަރަށް ހިތްހަމަ ޖެހޭ ގޮތަކަށް ކަމަށާއި ވޯޓުލާ މަރުކަޒުތަކުން ފެނުނީ ވަރަށް ތަހުޒީބު ބައެއް ކަމަށެވެ.
މީގެ އިތުރުން އިންތިޚާބާ ގުޅިގެން އެއްވެސް ޝަކުވާއެއް އައިސްފައިނުވާކަންވެސް އޮބްޒާވަރުން ފާހަގަ ކުރައްވާ އިންތިޚަބަށާއި އިލެކްޝަންސް ކޮމިޝަނަށް ވަރަށް ބޮޑަށް ތަޢުރީފުކުރެއްވިއެވެ.
"އަހަރުމެންގެ ޓީމުގައި 9 ޤައުމަކުން 19 އޮބްޒަރވަރުން ހަރަކާތްތެރިވި. އޮބްޒަވޭޝަން ކުރިއަށް ގެންދިޔައީ 4 ޓީމަކަށް ބަހާލައިގެން. އިންތިޚާބުގެ ހުރިހާކަމެއްވެސް ގަޑިއަށް ފަށާ ނިންމިކަން ފާހަގަކުރެވުނު. އެގޮތުން ބޫތުތައް ގަޑިއަށް ހުޅުވުނު"
ޗީފް އޮބްޒާރވަރ ޑރ. ޝަހަބުއްދީން ޔައުޤޫބް ވިދާޅުވިއެވެ.
ނިމިދިޔަ މަޖިލިސް އިންތިޚާބުގައި ބައިނަލްއަޤްވާމީ 45 އޮބްޒާވަރުންނާއި އެއް މޮނީޓަރުން ހަރަކާތްތެރިވިއެވެ.ޗީފް އޮބްޒާވަރުގެ އިތުރުން އެހެން ބައިނަލްއަޤްވާމީ އޮބްޒާވަރުންވެސް ވަނީ އިންތިޚާބު ދިޔަ ގޮތަށް ތަޢުރީފުކުރައްވާފައެވެ.
Advertisement
This content is created and paid for by advertisers and does not involve Voice Journalists
