ކެމްޕެއިން އޮފީހެއްގައި ރޯކޮށްލިކަމުގެ ތުހުމަތުގައި ހައްޔަރުކުރި މީހާގެ ބަންދަށް މިއަދު ކްރިިމިނަލް ކޯޓުން 10 ދުވަސް ޖަހައިފި އެވެ.
ކުޅުދުއްފުށީގައި ހުރި މި ކެމްޕެއިން އޮފީހުގައި އަލިފާން ރޯކޮށްލާފައިވަނީ އޭޕްރީލް މަހުގެ 16 ވަނަ ދުވަހުއެވެ.
މި މައްސަލައިގެ ތުހުމަތުގައި މީހަކު ހައްޔަރުކޮށްފައިވަނީ 25 އޭޕްރިލް 2024 ވަނަ ދުވަހު 14:55 ހާއިރެވެ. ފުލުހުން މައުލޫމާތު ދެއްވާ ގޮތުގައި ކޯޓު ޢަމުރެއްގެދަށުން ހައްޔަރުކޮށްފައިވަނީ 31 އަހަރުގެ ދިވެހި ފިރިހެނެކެވެ.
ކްރިމިނަލް ކޯޓުގެ ބަންދު ޢަމުރުގައި ބުނެފައިވަނީ އޭނާކެމްޕެއިން އޮފީހުގައި ރޯކޮށްލި ކަމުގެ ހެކި ހުށަހަޅާފައިވާކަމަށެވެ. އެ މީހާއަށް ލިބިފައިވާޒަޚަމްތަކަށް ފަރުވާ ހޯދުމަށްކުޅުދުއްފުށީގައި ރަނގަޅު ފެންވަރުގެ ހޮސްޕިޓަލެއް ހުއްޓާ އެހެންރަށަކަށް ގޮސް ފަރުވާ ހޯދާފައިވާ ކަމަށްވެސް ފުލުހުންނާ ހަވާލާދީ ޢަމުރުގައި ބުނެފައިވެއެވެ.
މީގެ އިތުރުން ފުލުހަށް ހާޒިރުވުމަށްޗިޓު ފޮނުވުމުންވެސް އޭނާހާޒިރު ނުވިކަމަށްވެސްއަމުރުގައި ބުނެފައިވެއެވެ
މައުލޫމާތު ލިބޭ ގޮތުގައި ރޯކޮށްލި ކެމްޕެއިން އޮފީހަކީ ކުޅުދުއްފުށީ ދެކުނު ދާއިރާއަށް ޕީއެންސީގެ ފަރާތުން ވާދަކޮށް އަދި އެ ދާއިރާގެ ގޮނޑިވެސް ކާމިޔާބު ކުރެއްވި ކެނޑިޑޭޓް ފަރުހަތު މުހައްމަދުގެ ކެމްޕެއިން އޮފީހެކެވެ.
ފުލުހުންއިތުރަށް ބުނެފައިވަނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
Advertisement
This content is created and paid for by advertisers and does not involve Voice Journalists
