ޑިފެންސް މިނިސްޓަރ ޣައްސާން، އެމެރިކާގެ އިސް ކޮމާންޑަރަކާ ބައްދަލަުކުރައްވައިފި
ދިފާޢީ ވަޒީރު ޣައްސާން މައުމޫނު، އެމެރިކާގެ އިސް ކޮމާންޑަރަކާ ބައްދަލުކުރައްވައިފިއެވެ.
މިއަދު ދިފާޢީ ވުޒާރާއިން ހާމަކުރެއްވި ގޮތުގައި ވަޒީރު ޣައްސާން މައުމޫނު ވަނީ، އެމެރިކާގެ މަންޓާނާ ނޭޝަނަލް ގާޑްސްގެ އެޑްޖުޓެންޓް ޖެނެރަލް ޖޯން ޕީޓާ ހްރޮނެކް(ދެވަނަ) އާއި އޭނާގެ ޓީމާ ބައްދަލުކުރައްވާފައެވެ.
ޑިފެންސް މިނިސްޓްރީގައި ބޭއްވި މި ބައްދަލުވުމުގައި ވަނީ ދެ ޤައުމުގެ ދެމެދުގައި އަސްކަރީ ގުޅުންތައް އިތުރަށް ބަދަހިކުރުމާ ގުޅޭގޮތުން މަޝްވަރާ ކުރައްވާފައެވެ. އަދި މިހާރުވެސް ދެ ޤައުމުގެ ދެމެދުގައި ވާ އަސްކަރީ ގުޅުންތަކާ ބެހޭގޮތުންވެސް ވާހަކަ ދައްކަވާފައިވާކަމަށް ދިފާޢީ ވުޒާރާއިން މައުލޫމާތު ދެއްވައެވެ.
Advertisement
ދިވެހި އަސްކަރިއްޔާއިން މީގެ ކުރިންވެސް ވަނީ މޮންޓާނާ ނޭޝަނަލް ގާޑްސްއާއެކު ގުޅުން ބަދަހި ކުރުމަށް އެކި އެކި މަޝްވަރާކޮށް އެގްރިމެންޓުތައް ހަދާފައެވެ. އެގޮތުން 2022 ވަނަ އަހަރުގެ އެޕްރީލް މަހުގައި، މަންޓާނާ ނޭޝަނަލް ގާޑް ސްޓޭޓް ޕާޓްނަރޝިޕް ޕްރޮގްރާމްގައި ބައިވެރިވުމުގެ އެއްބަސްވުމެއްގައި ދިފާޢީ ވުޒާރާއިން ވަނީ ސޮއިކުރައްވާފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
