ށ. ފުނަދޫ ކައުންސިލްގެ އަންހެން މެންބަރަކަށް، ޕީޕަލްސް ނޭޝަނަލް ކޮންގްރެސް، (ޕީއެންސީ) ގެ ކެނޑިޑޭޓް އައިމިނަތު ޔުމްނާ އިންތިޚާބުވެއްޖެއެވެ. ޔުމްނާ އެ މަޤާމަށް އިންތިޚާބުވެފައިވަނީ، އިންތިޚާބެއް ބޭއްވުމަކާ ނުލައެވެ.
އިލެކްޝަންސް ކޮމިޝަން (އީސީ) އިން މިއަދު އިޢުލާންކުރެއްވި ގޮތުގައި، ޖޫން މަހުގެ 8 ވަނަ ދުވަހު ބާއްވަން ހަމަޖެހިފައިވާ ބައި އިލެކްޝަނަށް ކުރިމަތިލާން ހުޅުވާލުމުން، މުއްދަތު ހަމަވީ އިރު ކުރިމަތިލާފާއިވަނީ އެންމެ ކެނޑިޑޭޓެއް ކަމަށެވެ.
އެހެންކަމުން ށ.ފުނަދޫގެ އަންހެން މެންބަރަށް ޚާއްސަ ގޮނޑިއަށް ކޮންގްރެސް ޕާޓީން ކުރިމަތިލެއްވި ށ. ފުނަދޫ މާބަގީޗާގެ އާމިނަތު ޔުމްނާ ވަނީ އިންތިޚާބު ވެފައިވާކަމަށް އީސީގެ ބަޔާނުގައި ވެއެވެ.
އިލެކްޝަންސް ކޮމިޝަނުން މިހާރު، ރަށްރަށުގެ ކައުންސިލްތަކުގެ ބައި-އިލެކްޝަން ބާއްވަމުން ދާއިރު، ގިނަ ގޮނޑިތައް ކާމިޔާބު ކުރައްވަމުން ދަނީ، ސަރުކާރު ހިންގާ މައި ޕާޓީ، ޕީއެންސީގެ ކެނޑިޑޭޓުންނެވެ. ޕީއެންސީއިން ވަނީ ނިމިދިޔަ ވިހިވަނަ ރައްޔިތުންގެ މަޖިލީހުގެ އިންތިާކބުގައިވެސް ސުޕަރ މެޖޯރިޓީއެއް ހޯދާފައެވެ.
Advertisement
This content is created and paid for by advertisers and does not involve Voice Journalists
