އެމްޑީޕީ ދެމިއޮންނާނީ ރައްޔިތުންގެ ހައްޤުތަކަށް ވަކާލާތުކުރުމުގައި ދޫނުދޭނެ ޕާޓީއެއްގެ ގޮތުގައި ކަމަށް އެޕާޓީގެ ރައީސް އަބްދުالله ޝާހިދު ވިދާޅުވެއްޖެއެވެ. 

ޝާހިދު މިހެން ވިދާޅުވެފައިވަނީ ކުރިއަށް އޮތް މަޖިލީހުގައި އެމްޑީޕީ ތަމްސީލުކުރާ ބައެއް ކެންޑިޑޭޓުންނާއި މިއަދު ބައްދަލު ކުރެއްވުމުަށްފަހު އެ ބައްދަލުވުމާއި ގުޅޭގޮތުން އެކްސްގައި ⁦‪ކުރެއްވި ޕޯސްޓެއްގައެވެ

އެގޮތުން ޝާހިދު ވިދާޅުވީ، އެ ބައްދަލުވުން ތަކުގައި ކުރިއަށް އޮތް މަޖިލީހުގައި ޕާޓީގެ މެންބަރުން ކުރަން ހުރި މަސައްކަތްތަކާއި، ސަރުކާރު ޖަވާބުދާރީކުރުވުމާ ގުޅޭ ގޮތުން މަޝްވަރާކުރެވުނު ކަމަށެވެ.

Advertisement

އަދި މަޖިލިސް ތެރެއިން މަސައްކަތްތެރިންގެ ހައްޤުތައް ހިމާޔަތްކުރުމަށް ކުރެވޭނެ ކަންކަމާއި ބެހޭ ގޮތުންވެސް މިއަދު ވާހަކަ ދެއްކެވުނު ކަމަށް ވިދާޅުވިއެވެ.

މީގެ އިތުރުން، ސަރުކާރު ޖަވާބުދާރީކޮށް، ޒިންމާދާރު އޮޕޮޒިޝަންއެއްގެ ގޮތުގައި ހަރަކާތްތެރިވުމަށް ކުރަން ހުރި މަސައްކަތްތަކާ ބެހޭ ގޮތުންވެސް އެ ބައްދަލުވުން ތަކުގައި މަޝްވަރާކުރެވިފައިވާއިރު، ޝާހިދު ވިދާޅުވި ގޮތުގައި ޒިންމާދާރު އޮޕޮޒިޝަން ޕާޓީއެއްގެ ދައުރު އެމްޑީީޕީ އިން ފުރިހަމައަށް އަދާކުރާނެ ކަމަށެވެ. 

20 ވަނަ ރައްޔިތުންގެ މަޖިލީހަށް އެމްޑީޕީން ވާދަކުރި ކެންޑިޑޭޓުންގެ ތެރެއިން މަޖިލީހަށް އިންތިޚާބުވެވަޑައިގެންނެވީ 12 ބޭފުޅުންނެވެ.