ޢުމްރާ ދަތުރުފުޅު ނިންމަވާލެއްވުމަށް ފަހު ރައީސްގެ ދެކަނބަލުން ރާއްޖެ ވަޑައިގެންފިއެވެ.
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ޢުމްރާއަށް ސަޢުދީ ޢަރަބިއްޔާއަށް ވަޑައިގެންނެވީ، ސަޢުދީ ރަސްގެފާނު ސަލްމާން ބިން އަބްދުލް ޢަޒީޒްގެ ޚާއްސަ ދަޢުވަތަކަށެވެ.
ރައީސް މުޢިއްޒު މި ޢުމްރާ ދަތުރުފުޅަށް ފުރާވަޑަިއގެންނެވީ މި މަހުގެ 10 ވަނަ ދުވަހުގައެވެ. އަދި ރަސްގެފާނު ސަލްމާން ބިން ޢަބްދުލް ޢަޒީޒުގެ މެހެމާންދާރީގައި ކުރެއްވި މި ޢުމްރާ ދަތުރުފުޅު ނިންމަވާލެއްވުމަށްފަހު ރައީސް ޑރ. މުޢިއްޒު ރާއްޖެ ވަޑައިގެންނެވީ މިއަދުގެ ވަގުތެއްގައެވެ.
ރައީސް އޮފީހުން ހާމަ ކުރެއްވި ގޮތުގައި، މި ދަތުރުފުޅުގައި، ރައީސް ޑރ.މުޢިއްޒުގެ އަރިހުގައި އިސްލާމީ ކަންކަމާ ބެހޭ ވަޒީރު މުހައްމަދު ޝަހީމް އަލީ ސައީދާއި، އިސްލާމީ މަރްކަޒުގެ އިސް އިމާމު ފަޟީލަތުއް ޝައިޚް މުޙައްމަދު ލަޠީފް، ރައީސް އޮފީހުގެ ޗީފް އޮފް ސްޓާފް ޢަބްދުﷲ ފަޔާޟް، މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް އަލީ އާރިފް، އަދި މިނިސްޓަރ އެޓް ދަ ޕްރެޒިޑެންޓްސް އޮފީސް އަބްދުﷲ ނާޞިރުވެސް ބައިވެރިވެވަޑައިގެންނެވިއެވެ.
Advertisement
This content is created and paid for by advertisers and does not involve Voice Journalists
