ދިވެހި ރާއްޖޭގެ ބިމާ ބެހޭ ޤާނޫނަށް އިސްލާހު ގެނައުމުގެ ބިލު ތަޞްދީޤު ނުކުރައްވާ އަލުން މަޖިލީހަށް ފޮނުއްވަވައިފިއެވެ.
މިއަދު ރައީސް އޮފީހުން ހާމަ ކުރެއްވި ގޮތުގައި ދިވެހިރާއްޖޭގެ ބިމާ ބެހޭ ޤާނޫނަށް 9 ވަނަ އިޞްލާޙު ގެނައުމުގެ ބިލު ތަޞްދީޤު ނުކުރައްވާ، ޤާނޫނުއަސާސީގެ 91 ވަނަ މާއްދާގެ (ހ) ގައި ބަޔާންކޮށްފައިވާ ގޮތުގެ މަތިން ރައްޔިތުންގެ މަޖިލީހުގައި އެދިވަޑައިގެން، އަލުން ވިސްނާ ވަޑައިގަތުން އެދި، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ވަނީ އެ ބިލު އަލުން އަނބުރާ ރައްޔިތުންގެ މަޖިލީހަށް ފޮނުއްވަވައިފައެވެ.
ބިމާ ބެހޭ ޤާނޫނަށް 9 ވަނަ އިޞްލާޙު ގެނައުމަށް ހުށަހަޅާފައިވާ ބިލަކީ 29 އޭޕްރީލް 2024 ވި ހޯމަ ދުވަހު ބޭއްވެވި ރައްޔިތުންގެ މަޖިލީހުގެ 2024 ވަނަ އަހަރުގެ ފުރަތަމަ ދައުރުގެ 22 ވަނަ ޖަލްސާއިން ފާސްކުރައްވައި، ރައީސުލްޖުމްހޫރިއްޔާގެ އޮފީހަށް، ތަޞްދީޤުކުރެއްވުމަށް އެދިވަޑައިގެން ފޮނުއްވާފައިވާ ބިލެކެވެ. މި ބިލު ރައީސުލް ޖުމްހޫރިއްޔާގެ އޮފީހަށް ފޮނުއްވަވާފައިވަނީ މޭ މަހުގެ ދެވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
