އީރާނުގެ ރައީސް އިބްރާހީމް ރައީސީ އަދި އެ ޤައުމުގެ ޚާރިޖީ ވަޒީރު ޙުސައިން އަމީރް ޢަބްދުއްލުހައްޔާނީ އާއި އިސް އޮފިޝަލުން ދަތުރުކުރެއްވި ހެލިކޮޕްޓަރާ ފެނިއްޖެއެވެ.
އީރާނުގެ ރެޑްކްރެސެންޓާއި ހަވާލާދީ އަލްޖަޒީރާއިން ރިޕޯޓްކޮށްފައިވާ ގޮތުގައި ރައިސީ އާއި އެ ގައުމުގެ ޚާރިޖީ ވަޒީރު ހިމެނޭހެން ބައެއް އިސް އޮފިޝަލުން ދަތުރުފުޅުކުރެއްވި ހެލިކޮޕްޓަރާއި އެ ވެއްޓުނު ސަރަހައްދަށް މިހާރު ރެސްކިޔު ޓީމަށް ވަނީ ދެވިފައެވެ.
އަދި އިރާންގެ ރައީސް ދަތުރުކުރި ކަމަށް ބެލެވޭ ހެލިކޮޕްޓަރުގެ ބައެއް ބައިތައްވެސް އެ ޓީމަށް ފެނިފައިވާއިރު، ހެލިކޮޕްޓަރ އޮތީ އަނދައި ވަރަށް ބޮޑަށް ހަލާކުވެފައި ކަމަށް ބުނެފައިވެއެވެ.
ރައީސީ ދަތުރުކިރެއްވި ކަމަށް ބެލެވޭ ހެލިކޮޕްޓަރގެ ފޮޓޯއެއް ކަމަށް ބުނެ ދައުރުކުރަމުންދާ ފޮޓޯ: ފޮޓޯ/ އަލްޖަޒީރާ
އީރާންގެ ރެޑްކްރެސެންޓުން ބުނެފައުވާ ގޮތުން ހެލިކޮޕްޓަރ ވެއްޓުނު ސަރަހައްދުން އެއްވެސް މީހެއް ދިރިހުރި ކަމުގެ ނިޝާނެއްވެސް ފެންނަން ނެތެވެ. އެހެންކަމުން، ރައީސީ އާއި އިސް އޮފިޝަލުން މި ހާދިސާގައި ނިޔާވެފައިވާ ކަމަށް މީޑިއާތަކުން އަންނަނީ ރިޕޯޓް ކުރަމުންނެވެ.
ނަމަވެސް އަދިވެސް ރައިސީގެ ހާލުކޮޅުގެ ސީދާ މައުލޫމާތެއް ސާފު ނުވެއެވެ. ރަސްމީ އެއްވެސް އިދާރާއަކުން އަދި ވަކި އެއްޗެއް ނާންގައެވެ.
ހެލިކޮޕްޓަރު ވެއްޓުނު ސަރަހައްދު ހޯދިފައި މި ވަނީ ބޯ ދުންފިނީގެ ސަބަބުން ގިނަ ގޮންޖެހުންތަަކަކާ ކުރިމަތިވި ނަމަވެެސް މެދުނުކެނޑި 15 ގަޑިއިރިއަށްވުރެ ގިނައިރު ކުރިއަށް ގެންދިޔަ ސާޗް އޮޕަރޭޝަނުގެ ތެރެއިންނެވެ.
އީރާނުގެ ޤައުމުގެ ދާޚިލީ ވަޒީރު އަޙްމަދު ވަޙީދީ ވިދާޅުވީ, ކުއްލި ހާލަތެއް މެދުވެރިވެ, ރައީސީ އިންނެވި ހެލިކޮޕްޓަރު ބިމަށް ތިރިކޮށްފައި ވަނީ ވަރަށް ބާރަށް ކަމުގައެވެ. މި ހާދިސާ ހިނގާފައި ވަނީ އީރާނުގެ ހުޅަނގު އުތުރު އީސްޓް އަޒަރްބައިޖާން ޕުރޮވިންސުގެ ޖިލްފާގައެވެ.
Advertisement
This content is created and paid for by advertisers and does not involve Voice Journalists
