އީރާނުގެ ރައީސް އިބްރާހީމް ރައީސީ އަވަހާރަވެފައިވާކަން އިސްލާމިކް ރިޕަބްލިކް ނިއުސް އެޖެންސީ (އިރްނާ)އިން ވަނީ ކަށަވަރުކޮށްދީފިއެވެ.
ރައިސީއާއެކު ދަތުރުކުރެއްވި އެޤައުމުގެ ޚާރިޖީ ވަޒީރު ހުސައިން އަމީރު އަބްދުالله ހިޔާންއާ، އިރުމަތީ އަޒަރުބައިޖާން ޕްރޮވިންސްގެ ގަވަރުނަރު މަލިކް ރަހުމަތީ އަދި ތަބްރީޒް މިސްކިތުގެ އިމާމް އާޔަތުالله އަލްހާޝިމީވެސް އަވަހާރަވެފައިވާކަމަށް އިރްނާއިން ވަނީ ރިޕޯޓުކޮށްފައެވެ.
އީރާނުގެ ކަމާބެހޭ ފަރާތްތަކުން ބުނެފައުވާގޮތުން ހެލިކޮޕްޓަރުގައި ދަތުރުކުރި މީހުންގެ ހަށިގަނޑުތައް ދެނެނުގަނެވޭ ވަރަށް އަނދާފައިވާކަމަށެވެ.
އީރާނުގެ ރެޑްކްރެސެންޓާއި ހަވާލާދީ އަލްޖަޒީރާއިން ރިޕޯޓްކޮށްފައިވާ ގޮތުގައި ރައިސީ އާއި އެ ގައުމުގެ ޚާރިޖީ ވަޒީރު ހިމެނޭހެން ބައެއް އިސް އޮފިޝަލުން ދަތުރުފުޅުކުރެއްވި ހެލިކޮޕްޓަރާއި އެ ވެއްޓުނު ސަރަހައްދަށް މިހާރު ރެސްކިޔު ޓީމަށް ދެވުނުއިރު، ހެލިކޮޕްޓަރ އޮތީ އަނދައި ވަރަށް ބޮޑަށް ހަލާކުވެފައެވެ.
ހެލިކޮޕްޓަރު ވެއްޓުނު ސަރަހައްދު ހޯދުނީ ބޯ ދުންފިނީގެ ސަބަބުން ގިނަ ގޮންޖެހުންތަަކަކާ ކުރިމަތިވި ނަމަވެެސް މެދުނުކެނޑި 15 ގަޑިއިރިއަށްވުރެ ގިނައިރު ކުރިއަށް ގެންދިޔަ ސާޗް އޮޕަރޭޝަނުގެ ތެރެއިންނެވެ.
އީރާނުގެ ޤައުމުގެ ދާޚިލީ ވަޒީރު އަޙްމަދު ވަޙީދީ ވިދާޅުވީ, ކުއްލި ހާލަތެއް މެދުވެރިވެ, ރައީސީ އިންނެވި ހެލިކޮޕްޓަރު ބިމަށް ތިރިކޮށްފައި ވަނީ ވަރަށް ބާރަށް ކަމުގައެވެ. މި ހާދިސާ ހިނގާފައި ވަނީ އީރާނުގެ ހުޅަނގު އުތުރު އީސްޓް އަޒަރްބައިޖާން ޕުރޮވިންސުގެ ޖިލްފާގައެވެ.
Advertisement
This content is created and paid for by advertisers and does not involve Voice Journalists
