އަންހެނުންތަކެއް, ފިިރިހެނުން ހައްލައިގެން ހިޔާ ފްލެޓަށް ވައްދައިގެން ފޭރޭ މައްސަލައެއް ފެންމަތިވެއްޖެއެވެ. 

ފުލުހުންގެ މީޑިއާ އޮފިޝަލް ވިދާޅުވީ، އެކި ވާހަކަ ދައްކައިގެން ހައްދައިގެން ހުޅުމާލެ ފޭސް ދޭއްގެ ޓަވަރެއްގެ އެޕާޓްމެންޓްއަކަށް މީހުން ގެންގޮސް ފޭރޭ މައްސަލައެއް ރިޕޯޓްކޮށްފައިވާ ކަމަށެވެ.

އަދި މި މައްސަލަ ތަހުގީގު ކުރަމުންދާ ކަމަށްވެސް އޮފިޝަލް ވަނީ ވިދާޅުވެފައެެވެ.

މިއާއެކު ފުލުހުން ވަނީ ކާކުކަން ނޭނގޭ ނުވަތަ ގޮތް ނޭނގޭ މީހުން މިގޮތަށް ތަންތަނަށް ދާން އެދުނު ކަމުގައިވިޔަސް ނުދިއުމަށް އިލްތިމާސް ކޮށްފައެވެ.

މިކަން ހިނގަމުންދާ ގޮތް އެނގޭ މީހަކު، މީސްމީޑިއާގައި އާއްމުކުރި ޕޯސްޓެއްގައި ބުނީ، މިފަދައިން ފިރިހެނުން އަތުން ފޭރުމަށް، ފްލެޓު ސަރަހައްދުން އުމުރުން ދޮށީ ފިރިހެނުންނަށް ޓާގެޓްކޮށް، އަންހެނަކު ގޮސް އެމީހުންނާ ވާހަކަ ދައްކަން ފަށަނީ ކަމަށެވެ.

އެއަށްފަހު، ފްލެޓަށް ދިއުމަށް ދައުވަތުދޭއިރު، ފްލެޓަށް ވަންނަ ހިސާބުން ފިލާ ތިބޭ ދެތިން ފިރިހެނުން ދޮރު ތަޅުލައި އެ ގެނައި މީހާ އަތުން ފޭރޭ ކަމަށެވެ. 

‏"އޭގެ ފަހުން، އެންމެ ފަހުން ހިގި ކޭސްގައި، ފިރިހެން މީހާގެ އަންނައުނު ގަދަކަމުން ބާލުވާ، އޭނާގެ ވީޑިއޯކޮށް، އަންހެނެއް ކައިރިއަށް ވަދެ އޮއްވާ ނެގި ވީޑިއޯ ގޮތުގައި ލީކު ކުރާނެ ކަމަށް ބުނެ، އެކައުންޓުގައި ހުރި ލާރި އެވެރިން ބުނާ އެކައުންޓަަކަށް ޓްރާންސަަފާ ކުރަން މަޖުބޫރު ކުރުވަނީ. އަދި އަތުގައި ހުރި އެއްޗެއްްވިއްޔާ ހޯދަނީ،". މީސް މީޑިއާގެ ޕޯސްޓުގައިވެއެވެ.