މާލޭ ސިޓީ ކައުންސިލުން ހުސްވި ތިން ގޮނޑީގެ ބައި-އިލެކްޝަން ޖުލައި މަހުގެ 20 ވަނަ ދުވަހަށް ތާވަލުކޮށްފިއެވެ.
އިލެކްޝަންސް ކޮމިޝަން (އީސީ) އިން ހާމަކުރެއްވި ގޮތުގައި، މާލޭ ސިޓީ ކައުންސިލުން ހުސްވި ތިން ގޮނޑީގެ ބައި-އިލެކްޝަން އަންނަ ޖުލައި މަހުގެ 20 ވާ ހޮނިހިރު ދުވަހު ބޭއްވުމަށް ވަނި ހަމަޖެހިފައެވެ.
މާލެ ސިޓީ ކައުންސިލުން ހުސްވެފައިވަނީ ހެންވޭރު ހުޅަނގު ދާއިރާ އާއި މައްޗަންގޮޅި މެދު ދާއިރާ އަދި ހުޅުމާލެ ދާއިރާގެ ގޮނޑިއެވެ. އެވެ. އެ ގޮނޑިތައް ހުސްވެފައިވަނީ، އެ ދާއިރާތަކުގެ ކައުންސިލަރުން، ރައްޔިތުންގެ މަޖިލީހަށް އިންތިޚާބުވެ އެ ބޭފުޅުންގެ ދައުރު، މިދިޔަ އަންގާރަ ދުވަހު ފެށުމުންނެވެ.
ސަރުކާރު ހިންގާ ކޮންގްރެސް ޕާޓީގެ ޓިކެޓުގައި މި ތިން ބޭފުޅުންވެސް ވިހި ވަނަ މަޖިލީހަށް އިންތިޚާބުވިއިރު، މާލެ ސިޓީ ކައުންސިލުން ހުސްވި ހެންވޭރު ހުޅަނގު ދާއިރާގެ ކައުންސިލަރު، އަހްމަދު އައިފާނާއި މައްޗަންގޮޅި މެދު ދާއިރާގެ ކައުންސިލަރުކަން ކުރެއްވި އަހްމަދު ޒަމީރާ ދެބޭފުޅުން އިންތިޚާބުވެފައި ވަނީ އެ ދެ ދާއިރާގެ ގޮނޑިއަށެވެ. އަދި ހުޅުމާލެ ދާއިރާގެ ކައުންސިލަރަށް ހުންނެވީ އިބްރާހިމް ޝުޖާއު ވަނީ ބާރަށު ދާއިރާގެ މެންބަރުކަމަށް އިންތިޚާބުވެފައެވެ.
މިއަދުން ފެށިގެން މި ތިން ގޮނޑީގެ ބައި-އިލެކްޝަން އިންތިޚާބަށް ހުޅުވާލާފައިވާއިރު، މި ފުރުސަތު ހަމަވާ ސުންގަނޑިއަކަށް އިލެކްޝަން ކޮމިޝަނުން ކަނޑައަޅުއްވާފައިވަނީ ޖޫން މަހުގެ 14 ވަނަ ދުވަހެވެ.
Advertisement
This content is created and paid for by advertisers and does not involve Voice Journalists
