ހުޅުމާލޭ ދެވަނަ ފިޔަވަހީގައި މީހުން ރަހީނުކޮށް ބްލެކްމެއިލް ކުރާ ކަމަށް ތުހުމަތުވާ 4 މީހަކު ހައްޔަރު ކޮށްފިއެވެ.

ފުލުހުން ބުނީ ހުޅުމާލޭ ފޭސް2 ގެ އެޗް1 ކައިރީ މީހަކު އަތުން ފައިސާ ފޭރުނު ބަޔަކު ހިފަހަށްޓައިގެން އުޅޭ ކަމަށް ރޭ ރިޕޯޓް ކޮށްފައިވާ ކަމަށެވެ.

އަދި މި މައްސަލައާ ގުޅިގެން މައުލޫމާތު ސާފުކުރުމުން އެ ހަތަރު މީހުން އެހެން މީހެއްގެ އަތުންވެސް އެކިފަހަރު މަތިން ގިނަ އަދަދުތަކުން ފައިސާ ފޭރިފައި ވާކަމަށް މައުލޫމާތު ލިބިފައި ވާކަމަށްވެސް ބުންޏެވެ.

މި މައްސަލާގައި ހަތަރު ދިވެހީން ހައްޔަރު ކޮށްފައިވާ ކަމަށާއި އޭގެ ތެރޭގައި ހިމެނެނީ 32 އަހަރުގެ ދެ ފިރިހެނުންނާއި 36 އަހަރުގެ ފިރިހެނަކާއި 45 އަހަރުގެ ފިރިހެނެއް ކަމަށް މި ފުލުހުން ވަނީ ބުނެފައެވެ.

މި މައްސަލައާއި ގުޅިގެން އިތުރަށް ކުރަންޖެހޭ ތަހުގީގުތައް ފުލުހުން ދަނީ ކުރަމުންނެވެ.

މީގެ ކުރިން، ހިޔާ ސަރަހައްދުގައި އަންހެނުންތަކެއް ދަޅަދައްކައިގެން ފޭރުނު މައްސަލައެއް ވެސް ފެންމަތިވިއެވެ. އެ މައްސަލާގައި ވެސް ވަނީ ބަޔަކު ހައްޔަރުކޮށްފައެވެ.