ޕެކޭޖް އަޕްގްރޭޑް ކޮށްލައިގެން އުރީދޫގެ ކަސްޓަމަރުންނަށް ޕެރިސް ސެއިންޓް ޖާމަން (ޕީއެސްޖީ)ގެ ކުރީގެ ތަރި އަދި ފުޓުބޯޅަ ލެޖެންޑް ޖޭޖޭ އޮކޯޗާއާ ބައްދަލުކުރުމުގެ ފުރުސަތު ލިބޭ ޕްރޮމޯޝަނެއް އުރީދޫ އިން ފަށައިފިއެވެ.

އުރީދޫއިން ބުނީ، އަލަށް ހިދުމަތާއި ގުޅުނު ކަސްޓަމަރުންނާއި، ސުޕަނެޓާއި މޮބައިލް ނެޓްވޯކް ގެ ހިދުމަތް ހޯދާ ފަރާތްތަކަށް ވެސް ބައިވެރިވެވޭނެ ކަމަށެވެ.

ޕްރޮމޯޝަންގައި ބައިވެރިވުމުގެ ފުރުސަތު މާދަމާ ހަމަވާއިރު، އުރީދޫއިން އިތުރަށް ބުނީ، އެ ނެޓްވޯކް ބޭނުންކުރަމުންދާ ކަސްޓަމަރުންގެ ތެރެއިން ޕެކޭޖް އަޕްގްރޭޑް ކުރާ ފަރާތްތަކަށް މި ލަކީ ޑްރޯގައި އޮޓޮމެޓިކުން ބައިވެރި ވެވޭނެ ކަމަށާއި ނަސީބުވެރިއަކު ހޮވާނީ ގުރުއަތު ނަގައިގެން ކަމަށެވެ.

Advertisement

މި ޕްރޮމޯޝަން މޮޅުވާ ދެ ފަރާތަކަށް ޖޭޖޭ އޮކޯޗާއާ ބައްދަލުކުރުމަށް ލިބޭ ފުރުސަތުގެ އިތުރުން، އުރީދޫ ފަން ރަންގައި ބައިވެރިވެ، ހުރިހާ ހަރަދެއް އުރީދޫ ހަމަޖައްސާގޮތަށް، ލާމު އަތޮޅަށް ދިއުމުގެ ފުރުސަތު ވެސް ލިބިގެންދާނެ އެވެ.