މާތް اللهގެ ރަޙުމަތުން ޙައްޖު އޮޕްރޭޝަން ކާމިޔާބުކަމަށާ، މި ފަހަރުގެ ހައްޖުގައި މަގު އޮޅުނު 100 އެއް ހާ ހާޖީން ޑިވައިޒްގެ އެހީގައި ލޮކޭޓްކޮށްގެން ގެނެވުނު ކަމަށް އިސްލާމީ ކަންތައްތަކާއި ބެހޭ ވުޒާރާގެ ވަޒީރު ޑރ. މުހައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޙައްޖުގެ ކަންކަމާއި ގުޅޭގޮތުން މަޢުލޫމާތު ދެއްވަމުން ޝަހީމް ވިދާޅުވީ، މިފަހަރު ހައްޖުގައި ދިވެހި ޙާޖީންނަށް ފެންވަރު ރަނގަޅު ދިވެހި ރަހަތަކާއެކު ކާނާ ފޯރުކޮށްދެއްވުނު ކަމަށެވެ.
އަދި ބަލި މީހުންނަށް އެންމެ މަތީ ދަރަޖައިގައި އެހީތެރިކަން ފޯރުކޮށްދެވުނު ކަމަށާ، ޑައިލެލިސް ހަދާ ފަރާތަކާއި، ކެންސަރު ފަރުވާ ނަގާ ބައެއް ބޭފުޅުން، ހިތުގެ ބަލި ހުންނަ ބައެއް ބޭފުޅުން ހާޖީންގެ ތެރޭގައި ތިބިއިރު އެ އެންމެނަށް އޯގާތެރިކަން ފޯރުކޮށްދެވުނު ކަމަށެވެ. ހަމައެހެންމެ ބަލިވެގެން، އެޑްމިޓްކުރެވުނު ފަރާތްތަކަށް މަތީ ދަރަޖައިގައި އެހީ ފޯރުކޮށްދެއްވުނުކަންވެސް ޝަހީމް ފާހަގަކުރެއްވިއެވެ.
މީގެ އިތުރުން، މަގު އޮޅުނު 100 އެއް ހާ ހާޖީން ޑިވައިޒްގެ އެހީގައި ލޮކޭޓްކޮށްގެން ގެނެވުނުކަމަށްވެސް ވިދާޅުވިއެވެ.
ޢަރަފާތަށް ނުވަދެވޭ އެކަކު ވެސް ނެތް. ބަލި މީހުން ވެސް އަރަފަރާތަށް ގެންދެވުނު. ވީލްޗެއާގައި ގިނަ އަދަދެއްގެ ހާޖީން އުޅުނު. އެންމެނަށް އެހީތެރިކަން ދެވުނު. އަރަފާތުގެ ފޭލިގޭގެ އިންތިޒާމްތައް ފުރިހަމަ.
ޝަހީމް ވިދާޅުވުއެވެ.
މިއާއެކު ޝަހީމް ވަނީ، މިނާގެ ފޭލިގޭގެ ތާށިކަމެއް ހުރިކަން ފާހަގަކުރައްވައި އެކަން މެދުވެރިވި ސަބަބުތައް ބަލައި ކުރިއަށް އޮތްތަނުގައި ރަނގަޅުކުރަން އަޅަންޖެހޭ ފިޔަވަޅުތައް އަޅުއްވާނެ ކަމަށް ވިދާޅުވެފައެވެ.
ހައްޖު ކޯޕަރޭޝަންގެ މެނޭޖްމަންޓާއި މުރާލި މުވައްޒަފުންނާއި ހިއްވަރުގަދަ އެހީތެރިންނަށް ޙައްޤު ޝުކުރު ރައްދުކުރަން. ހައްޖު މިޝަންއަށް ޝުކުރު ދަންނަވަން. ހާޖީންނަށް އެހީވި މަދީނާގެ ކިޔަވާ ކުދިންނަށް ޝުކުރު ދަންނަވަން. އަދި ޚާއްޞަ ކޮށް ބޮޑު ކައްކާ ވަހީދުބެ އަށް ޝުކުރު ދަންނަވަން. ޑރ އާދަމް ޝަމީމާއި އިލްމުވެރި އެންމެހައި މުރުޝިދުންނަށް ޝުކުރު ދަންނަވަން. ސައޫދީ ސަރުކާރަށާއި ހައްޖު މިނިސްޓްރީއަށް ޝުކުރު ދަންނަވަން.
ޝަހީމް ވިދާޅުވުއެވެ.
މީގެ އިތުރުން، ދިވެހި ހާޖީންގެ ކަންކަން ކަވަރ ކުރި މީޑިއާތަކަށް، ޚާއްޞަކޮށް އިސްލާމިކް ސްޓޫޑިއޯގެ ޓީމް، އަދި ޕީއެސްއެމްގެ ޓީމަށް ޝަހީމް ވަނީ ޝުކުރު އަދާކުރައްވާފައެވެ.
މިއާއެކު ޝަހީމް ވަނީ، ރަނގަޅުކުރަންޖެހޭ ކަންތަށްތަކެއް ފާހަގަކުރެވިފައިވާ ކަން ފާހަގަކުރައްވައި، އަންނަ އަހަރަށް އެކަންކަން ރަނގަޅުކުރައްވާނެ ކަމަށް ވިދާޅުވެފައެވެ.
އަދި މިއީ ޙައްޖު ކޯޕަރޭޝަންގެ ތާރީޚުގައި އެންމެ ގިނަ އަދަދަކަށް ހާޖީން ގެނެވުނު ދެވަނަ ފަހަރު ކަމަށްވާއިރު، މާތް اللهގެ ރަޙުމަތުން ޙައްޖު އޮޕްރޭޝަން ކާމިޔާބުކަމަށް ޝަހީމް ވަނީ އުފަލާއެކު ފާހަގަކުރައްވާފައެވެ.
“އަމިއްލަ ކޮންޓްރޯލުން ބޭރުން އެތަން މިލިއަން މީހުންގެ ތެރޭގައި ހިނގާ މިވަރުގެ ކަމެއްގައި ކިތައްމެ ފުރިހަމަކުރަން އުޅުނަސް އުނިކަން ހުންނާނެ. އިންސާނުންނަކީ އުނިބައެއް. އެންމެ ބޮޑު އިސްކަމެއް ދިނީ ހޫނު ގަދަ މާޙައުލެއްގައި ހާޖީންގެ ސަލާމަތާއި ޞިއްޙަތާއި ރައްކާތެރިކަމަށް. ހާޖީއަކު ޠަބީއީ މަރަކުން މަރުވި. މައްޔިތާއަށް ރަޙުމަތް ލައްވާށި. އެންމެހައި ހާޖީންނަށް މަބްރޫރު ހައްޖަކަށް އެދެން. އާމީން.” ޝަހީމް ވިދާޅުވުއެވެ.
Advertisement
This content is created and paid for by advertisers and does not involve Voice Journalists
