ވޯލްޑް ބޭންކުން ރާއްޖެ އާއި ނޭޕާލް އަދި ސްރީ ލަންކާ އަށް އާ ކަންޓްރީ ޑައިރެކްޓަރެއް ކަނޑައަޅައިފިއެވެ.
ވޯލްޑް ބޭންކުން ރާއްޖެއަށް ކަނޑައެޅި، އައު ކަންޓްރީ ޑިރެކްޓަރަކަށް ކަނޑައަޅާފައިވަނީ ވަނީ ޑޭވިޑް ސިސްލަން އެވެ.
ވޯލްޑް ބޭންކުން އިއްޔެ ނެރުނު ބަޔާނެއްގައި ބުނެފައިވަނީ، ޑޭވިޑް ސިސްލެން އަންނަ ޖުލައި މަހުގެ 1 ވަނަ ދުވަހުންފެށިގެން މި މަޤާމާ ހަވާލުވާނެކަމަށެވެ.
މީގެ ކުރިން އެ މަގާމުގައި ހުންނެވީ ފާރިސް ހަދާދް ޒާވޯސް އެވެ. ފާރިސް ހަދާދު ޒާވޯސް ވޯލްޑް ބޭންކުގެ އެހެން މަގާމަކަށް ވަޑައިގަތުމަށް ހަމަޖެހިފައިވާ ކަމަށް ވެސް ވޯލްޑް ބޭންކުން ނެރުނު ބަޔާނުގައިވެ އެވެ.
ސިސްލަން ވަނީ މަގާމާ ހަވާލުވެ، އެންމެ ބޮޑު އިސްކަމެއް ދެއްވާނީ ސަރުކާރުތަކާ ގުޅިގެން ތަރައްގީގެ މަޝްރޫއުތައް އަވަސް ކުރުމަށް ކަމަށް ވިދާޅުވެފައެވެ.
ޑޭވިޑް ސިސްލެން އަކީ 2001 ވަނަ އަހަރު ވޯލްޑް ބޭންކާ ގުޅިވަޑައިގެންނެވި ބޭފުޅެކެވެ. އޭނާ މީގެ ކުރިން ވަނީ ވޮޝިންޓަން ޑީސީގައި ހުންނަ ލެޓިން އެމެރިކާ އަދި ކެރީބިއަން ރީޖަންގެ އާބަން، ޑިޒާސްޓާ ރިސްކް މެނޭޖްމަންޓް އެންޑް ލޭންޑްގެ ޕްރެކްޓިސް މެނޭޖަރުކަން ކުރައްވާފައެވެ.
Advertisement
This content is created and paid for by advertisers and does not involve Voice Journalists
