ޕޮލިސް ކޮލެޖުގެ ކާނާ ވިހަވެގެން އައްޑޫ ސިޓީ އެކުއެޓޮރިއަލް ހޮސްޕިޓަލުގެ އައިސީޔޫގައި ފަރުވާދެމުންދިޔަ 2 ދަރިވަރުން ވޯޑަށް ބަދަލުކޮށްފިއެވެ.

ކާނާ ވިހަވެގެން 32 ދަރިވަރުން ހޮސްޕިޓަލުގައި އެނދުމަތިކުރިއިރު، އޭގެ ތެރެއިން ހާލު ދެރަވި 2 ދަރިވަރުން ފިޔަވާ ބާކީ އެންމެން ވަނީ ފަރުވާއަށް ފަހު ދޫކޮށްލާފައެވެ.

ފުލުހުން ބުނީ، އެ ދެ ދަރިވަރުންނަށް އައިސީޔޫގައި ފަރުވާދިނުމަށްފަހު މިހާރު ވޯޑަށް ބަދަލުކޮށްފައިވާކަމަށާއި، އެ ދެ ދަރިވަރުންގެ ހާލުވެސް ރަނގަޅުވަމުން އަންނަ ކަމަށެވެ.

ޕޮލިސް ކޮލެޖުގައި 100 އަށްވުރެ ދަރިވަރުން ތަޢުލީމާއި ތަމްރީން ހާސިލްކުރަމުން ގެންދާއިރު، އެ ކޮލެޖުގައި ކިޔަވަމުންދިޔަ 32 ދަރިވަރަކު ކާނާ ވިހަވެގެން އެޑްމިޓްކޮށް ފަރުވާ ދޭން ފަށާފައިވަނީ މިމަހުގެ 17 ވަނަ ދުވަހުއެވެ.