އެމެރިކާގެ ރައީސް ޖޯ ބައިޑެން ރިޔާސީ އިންތިޚާބުގައި ވާދަ ނުކުރައްވާނެކަން އިއުލާނުކުރައްވައިފިއެވެ.
ބައިޑެން 2024 ވަނަ އަހަރުގެ ރިޔާސީ އިންތިޚާބަށް ކުރިމަތިނުލާނެކަމަށް އިއުލާނުކޮށްފައިވާއިރު، މި އިއުލާނު ކުރެއްވީ ޑިމޮކްރެޓިކް ޕާޓީގެ އިސް މެންބަރުންތަކެއް ބައިޑެން އިސްތިއުފާ ދިނުމަށް ގޮވާލުމަށް ފަހުގައެވެ.
"ތިޔަ ބޭފުޅުންގެ ރައީސްގެ ގޮތުގައި ޚިދުމަތްކުރުމަކީ އަޅުގަނޑުގެ ހަޔާތުގައި ލިބުނު އެންމެ ބޮޑު ޝަރަފެއް. އަދި އަޅުގަނޑުގެ ނިޔަތަކަށްވީ އަލުން އިންތިޚާބަށް ކުރިމަތިލުން ނަމަވެސް، އަޅުގަނޑުގެ ޕާޓީއާއި ޤައުމުގެ މަސްލަހަތަށްޓަކައި އެންމެ ރަނގަޅީ އަޅުގަނޑު މި ވާދައިން ތަނާޒުލުވެ، ދައުރު ނިމެންދެން ރައީސްގެ ގޮތުގައި އަދާކުރަންޖެހޭ ވާޖިބުތަކަށް އެކަނި ސަމާލުކަން ދިނުންކަމުގައި އަޅުގަނޑު ދެކެން."ބައިޑެން ވިދާޅުވިއެވެ.
ޑިމޮކްރެޓިކް ޕާޓީގެ ވޯޓަރުންގެ ތެރެއިން ގިނަ ބަޔަކު ބައިޑެންއަށް ތާއީދުކުރި ނަމަވެސް، ޕާޓީގެ އިސް މެންބަރުން ވަނީ ބައިޑެން އިސްތިއުފާ ދިނުމަށް ގޮވާލާފައެވެ.
މިކަމާ ގުޅިގެން ވައިޓް ހައުސްއިން މިއަދު ނެރުނު ބަޔާނުގައި ބުނެފައިވަނީ ބައިޑެން މި ނިންމުން ނިންމެވީ ޤައުމުގެ މަސްލަހަތަށްޓަކައި ކަމަށެވެ.
Advertisement
This content is created and paid for by advertisers and does not involve Voice Journalists
