ދިވެހީންގެ އެހީއާއިއެކު، ޣައްޒާގެ ސިއްހީ މަރުކަޒެއް އަލުން ބިނާކުރުމުގެ މަސައްކަތް އިންޓަނޭޝަނަލް އެއިޑް ކެމްޕެއިން (އައިއޭސީ) އިން ފަށައިފިއެވެ.
ޣައްޒާގައި ޔަހޫދީން ހިންގަމުންދާ ޤަތުލުއާއްމުގައި ހޮސްޕިޓަލްތައް ހަލާކުކޮށްލާފައިވާއިރު، އައިއޭސީން ބުނީ، އުތުރު ޣައްޒާގެ މެދުގައިވާ ޝިޖާޢިއްޔާ އަވަށުގައި ހުންނަ "މަސްޤަތު ސިއްޙީ މަރުކަޒު" އަލުން ބިނާކުރުމުގެ މަސައްކަތް ފަށާފައިވާ ކަމަށެވެ.
މަރުކަޒަށް ލިބިފައިވާ ގެއްލުންތައް އައިއޭސީން ވަނީ ދެނެގަނެފައި-- ފޮޓޯ: އައިއޭސީ
މިއީ އެ އަވަށުގައި ހުންނަ ހަމައެކަނި މަރުކަޒުކަން ފާހަގަކުރަމުން އައިއޭސީން ބުނީ، އުތުރު ޣައްޒާގައި އެންމެ ގިނައިން މީހުން އުޅޭ މި އަވަށުގައި ވީހާވެސް ގިނަ މީހުނަށް ފަރުވާދިނުމަށްޓަކައި މި މަރުކަޒު ވަރަށް ބޮޑަށް މަރާމާތުކުރަން ޖެހިފައިވާ ކަމަށެވެ.
"ދުޢާ އަކީ ﷲ ތަޢާލާ އުތުރު ޣައްޒާ ގައި އުޅޭ އެންމެން ތަހައްމަލު ކުރަމުންދާ ވޭންތަކަށް ލުޔެއް މެދުވެރި ކުރެއްވުން، އަދި މި މަރުކަޒު އަލުން ބިނާކޮށް މަރާމާތުކުރުމަށް އެހީތެރިކަން ލިބުން. ޣައްޒާއަށް އެހީވުމުގައި އަތުރުކުރި އޮޅާލާފައިވާ އެންމެހާ ރައްޔިތުންނަށް މާތްﷲ ހެޔޮ ޖަޒާ މިންވަރު ކުރައްވާށި."
އައިއޭސީން ބުންޏެވެ.
އެ މަރުކަޒަށް ލިބިފައިވާ ގެއްލުންތައް ދެނެގަނެ، މަސައްކަތަށް ބޭނުންވާ ތަކެތި ހޯދާ، ޕްލޭންކުރުމުގެ މަރުހަލާ ނިމިފައިވާ ކަމަށާއި، މިތަނަކީ ކުޑަ ހޮސްޕިޓަލަކަށް ވެގެންދާނެ ތަނެއް ކަމަށް އައިއޭސީން މައުލޫމާތުދެއެވެ.
އައިއޭސީން އިތުރަށް ބުނީ، މި މަރުކަޒުގެ މަސައްކަތް ކުރިއަށް ދާ ގޮތުގެ އަޕްޑޭތައް ގެނެސްދެމުންދާނެ ކަމަށެވެ.
Advertisement
This content is created and paid for by advertisers and does not involve Voice Journalists
