މާލޭގައި ބިދޭސީންތަކެއް މާރާމާރީ ހިންގައި ދެ މީހަކު ޒަޚަމްކޮށްލައިފިއެވެ.

ފުލުހުން ބުނީ، މާލޭގެ އަސްރަފީ މަގުގައި ބިދޭސީންތަކެއްގެ މެދުގައި ހިނގި މާރާމާރީއެއްގައި ދެ މީހަކު ޒަޚަމްކޮށްލާފައިވާ ކަމަށް ރޭ 12:33 ކަންހާއިރު ރިޕޯޓް ކޮށްފައިވާ ކަމަށެވެ.

އަދި އެ ޒަޚަމް މީހުންނަށް، އައި.ޖީ.އެމް.އެޗްގައި ފަރުވާދިނުމަށްފަހު މިހާރުވަނީ ދޫކޮށްލާފައިވާ ކަމަށްވެސް ބުންޏެވެ.

ފުލުހުންގެ މަޢުލޫމާތު ދޭގޮތުގައި، މި މާރާމާރީއާ ގުޅިގެން 5 މީހަކު ފުލުހުންގެ ބެލުމުގެ ދަށަށް ގެނެސްފައިވެއެވެ. އަދި އެންމެން ވެސް މިހާރުވަނީ ދޫކޮށްލާފައެވެ.

މި މައްސަލައިގެ ތަޙުޤީޤު ފުލުހުން ދަނީ ކުރިއަށް ގެންދަމުންނެވެ. އަދި މި މާރާމާރީ ހިނގި ސަބަބާއި، އިތުރު ތަފްސީލުތައް އަދި ހާމަކޮށްފައެއް ނުވެއެވެ.